ఫెర్మియం
రసాయన మూలకం. మూలకం అంకె ౧౦౦ / From Wikipedia, the free encyclopedia
ఫెర్మియం (Fm) పరమాణు సంఖ్య 100 కలిగిన సింథటిక్ మూలకం. ఇది యాక్టినైడ్లలో ఒకటి. తేలికైన మూలకాలను న్యూట్రాన్తో తాకిడి చేసి సృష్టించగల అత్యంత భారీ మూలకం ఇది. అందువల్ల స్థూల పరిమాణంలో తయారు చేయగల చివరి మూలకం ఇది. కాకపోతే, స్వచ్ఛమైన ఫెర్మియం లోహాన్ని ఇంకా తయారు చేయలేదు. [3] దీనికి మొత్తం 19 ఐసోటోప్లు ఉన్నాయి. వీటిలో, 100.5 రోజుల అర్ధ జీవితం గల 257Fm ఎక్కువ కాలం జీవించేది.
1952 లో చేసిన మొదటి హైడ్రోజన్ బాంబు పేలుడు పరీక్షలో ఏర్పడిన శిధిలాలలో ఫెర్మియంను కనుగొన్నారు. అణు భౌతిక శాస్త్రానికి మార్గదర్శకులలో ఒకరైన ఎన్రికో ఫెర్మీ పేరు దీనికి పెట్టారు. దీని రసాయనిక తత్వం చివరి యాక్టినైడ్లను పోలి ఉంటుంది. +3 ఆక్సీకరణ స్థితి ప్రాధాన్యతతో పాటు +2 ఆక్సీకరణ స్థితి కూడా ఉంటుంది. తక్కువ మొత్తంలో ఉత్పత్తి చేసిన ఫెర్మియం, దాని అన్ని ఐసోటోప్లు సాపేక్షంగా తక్కువ అర్ధ-జీవితాలను కలిగి ఉన్నందున, శాస్త్రీయ పరిశోధనల కోసం కాకుండా దానికి వెలుపల ప్రస్తుతం దీనికు ఎటువంటి ఉపయోగాలూ లేవు.