Henri de Toulouse-Lautrec
From Wikipedia, the free encyclopedia
Henri de Toulouse-Lautrec [Anri de Tuluz-Lotrek] IFA:[ɑ̃ʁi də tuluz lotʁɛk] (plennome Henri-Marie-Raymond de Toulouse-Lautrec Monfa) (naskiĝinta la 24-an de novembro 1864 en Albi, mortinta la 9-an de septembro 1901 en Malromé, proksime de Bordeaux) estis franca pentristo, presartisto kaj ilustristo apartenanta al la plej signifaj kreantoj fine de la 19-a jarcento. Li devenis el fama kaj malnova franca nobela familio de grafoj el Tuluzo.
Henri de Toulouse-Lautrec | |||||
---|---|---|---|---|---|
Henri de Toulouse-Lautrec | |||||
Naskiĝo | 24-an de novembro 1864 en Albi, Francio | ||||
Morto | 9-an de septembro 1901 en Malromé, Francio | ||||
Nacieco | franca | ||||
Sukcesis kiel |
| ||||
Reprezentaj verkoj | Kabaredo Moulin Rouge | ||||
| |||||
| |||||
Persona informo | |||||
Mortokialo | sifiliso | ||||
Tombo | Verdelais | ||||
Lingvoj | franca | ||||
Ŝtataneco | Francio • Dua Franca Imperio • Tria Respubliko de Francio | ||||
Alma mater | Lycée Condorcet | ||||
Subskribo | |||||
Familio | |||||
Patro | Alphonse de Toulouse-Lautrec-Monfa | ||||
Patrino | Adèle Zoë Tapié de Céleyrran | ||||
Edz(in)o | – | ||||
Okupo | |||||
Okupo | poster artist • litografisto • pentristo • grafikartisto • gravuristo • konstrua desegnisto • grafikisto • ceramikisto • dezajnisto • desegnisto • vidartisto | ||||
Verkoj | At the Café La Mie At the Moulin Rouge The clownesse cha-u-kao at the Moulin Rouge | ||||
En sia verkaro Toulouse-Lautrec ligis al impresionismo kaj postimpresionismo, precipe al la verkoj de Edgar Degas. Fortan influon havis ankaŭ japana ukijo-e. Lia belarta prezento elkreskis el desegnado kaj ĝi estis tre lineara. Signifaj estas ankaŭ liaj grafikaj, per tekniko de litografio kreataj laboroj, per kiuj li antaŭsignis kaj influis secesion, nome afiŝojn, liberajn grafikajn foliojn kaj pluajn specojn de uzita grafiko. La temoj de verkoj de Lautrec eliris precipe el la vivo sur pariza Montmartre. La pentristo ofte pentris vizitantojn de kabaretoj, dancistinojn, prostituitinojn kaj pluajn homojn el rando de tiama socio.
La verkaro de Lautrec estas tre ampleksa - ĝi enhavas 737 oleopentraĵojn, 275 akvarelojn, 5 084 desegnaĵojn kaj 359 litografiojn (53 plurkolorajn kaj 306 unukolorajn).[1]