பாரம்பரிய ஏதென்சு
பண்டைய கிரேக்க நகர அரசு / From Wikipedia, the free encyclopedia
ஏதென்ஸ் நகரம் ( பண்டைக் கிரேக்கம்: Ἀθῆναι நவீன கிரேக்கம் : Αθήναι அதீன் அல்லது, பொதுவாக ஒருமையில், Αθήνα அதீனா) பண்டைய கிரேக்கத்தின் பாரம்பரிய காலத்தில் (கிமு 480–323) [1] குறிப்பிடத்தக்க முக்கிய நகர அரசாக இருந்தது. இது கிரேக்கத்தின் அட்டிகாவில் அமைந்துள்ளது. எசுபார்த்தா மற்றும் பெலோபொன்னேசியன் கூட்டணிக்கு எதிரான பெலோபொன்னேசியன் போரில் இது டெலியன் கூட்டணியை வழிநடத்தியது. ஏதெனியன் சனநாயகமானது கிமு 508 இல் இசகோரசின் சர்வாதிகார ஆட்சியைத் தொடர்ந்து கிளீசுத்தனீசுவின் கீழ் நிறுவப்பட்டது. இந்த அரசு அமைப்பு குறிப்பிடத்தக்க வகையில் நிலையானதாக இருந்தது. ஏதெனிய சனநாயகமானது சில காலம் தடைகளுக்கு ஆளாகினாலும் கிமு 322 வரை ( லாமியன் போருக்குப் பிறகு) 180 ஆண்டுகளாக நீடித்தது. ஏதெனியன் மேலாதிக்கத்தின் உச்ச வளர்ச்சியானது கிமு 440 முதல் 430 வரை எட்டப்பட்டது. இது பெரிக்கிளீசு காலம் என்று அழைக்கப்படுகிறது.
Athens Ἀθῆναι | |||||||||
---|---|---|---|---|---|---|---|---|---|
கிமு 508–கிமு 322 | |||||||||
தலைநகரம் | ஏதென்ஸ் | ||||||||
பேசப்படும் மொழிகள் | Attic Greek | ||||||||
சமயம் | பண்டைய கிரேக்க சமயம் | ||||||||
அரசாங்கம் | ஏதெனியன் சனநாயகம் | ||||||||
ஸ்ரடிகெஸ் | |||||||||
• கிமு 449–429 | பெரிக்கிளீசு | ||||||||
சட்டமன்றம் | எக்லேசியா | ||||||||
வரலாற்று சகாப்தம் | பாரம்பரியக் காலம் | ||||||||
கிமு 508 | |||||||||
கிமு 478–404 (கிமு 404–403 முப்பது கொடுங்கோலர்கள்) | |||||||||
கிமு 378–355 | |||||||||
• Lamian War | கிமு 322 | ||||||||
மக்கள் தொகை | |||||||||
• கிமு 5 ஆம் நூற்றாண்டு1 | 250~370,000 (குடிமை உரிமைகள் கொண்ட ஆடவர்: 30~40,000) | ||||||||
நாணயம் | திராக்மா | ||||||||
| |||||||||
பாரம்பரிய காலத்தில், ஏதென்சு கலை, கல்வி, மெய்யியல் போன்றவற்றின் மையமாக இருந்தது. பிளேட்டோவின் கல்விக்கழகம் மற்றும் அரிஸ்டாட்டிலின் லைசியம் ஆகியவற்றின் அமைவிடமாக இருந்தது. [2] ஏதென்சு சாக்கிரட்டீசு, பிளேட்டோ, பெரிக்கிளீசு, அரிஸ்டாஃபனீஸ், சாஃபக்கிளீசு மேலும் பண்டைய உலகின் பல முதன்மை மெய்யியலாளர்கள், எழுத்தாளர்கள், அரசியல்வாதிகள் ஆகியோரின் பிறப்பிடமாகவும் இருந்தது. இது மேற்கத்திய நாகரிகத்தின் தொட்டில் என்றும், சனநாயகத்தின் பிறப்பிடமாகவும் பரவலாகக் குறிப்பிடப்படுகிறது. [3] இதன் கலாச்சார மற்றும் அரசியல் சாதனைகள் கிமு 5 மற்றும் 4 ஆம் நூற்றாண்டுகளில் அப்போதைய அறியப்பட்ட ஐரோப்பிய கண்டத்தின் மற்ற பகுதிகளில் ஏற்படுத்திய தாக்கம் குறிப்பிடத்தக்கது ஆகும். [4]