சனி (கோள்)
ஞாயிற்றுக் குடும்பத்தில் இரண்டாவது மிகப்பெரிய கோள்; ஞாயிறிலிருந்து ஆறாவது கோள் / From Wikipedia, the free encyclopedia
சனி (Saturn) சூரியக்குடும்பத்தில் சூரியனிலிருந்து ஆறாவதாக அமைந்துள்ள ஒரு கோள். சனி கிரகம் சூரியனை ஒரு முறை சுற்றி முடிக்க 29.5 ஆண்டுகள் ஆகின்றன.[8] சூரியக்குடும்பத்தில் வியாழனுக்கு அடுத்து இரண்டாவது பெரிய கோளாகும். வளி அரக்கக்கோள்கள் நான்கில் சனியும் ஒன்றாகும். இதன் சராசரி ஆரம் புவியினுடையதை விட ஒன்பது மடங்காகும்.[9][10] புவியின் அடர்த்தியில் எட்டில் ஒருபங்கே இருந்தபோதும் தனது பெரிய அளவினால் புவியை விட 95 மடங்கு நிறையுடையதாக உள்ளது.[11][12] [13]
2004ஆம் ஆண்டில் காசினியால் எடுக்கப்பட்ட இயற்கை வண்ணத்துடனான சனிக் கோளின் ஒளிப்படம். |
|||||||||||||||
காலகட்டம்J2000.0 | |||||||||||||||
சூரிய சேய்மை நிலை | 10.11595804 AU (1513325783 km) |
||||||||||||||
சூரிய அண்மை நிலை | 9.04807635 AU (1353572956 km) |
||||||||||||||
அரைப்பேரச்சு | 9.5820172 AU (1433449370 km) |
||||||||||||||
மையத்தொலைத்தகவு | 0.055723219 | ||||||||||||||
சுற்றுப்பாதை வேகம் |
|
||||||||||||||
சூரியவழிச் சுற்றுக்காலம் | 378.09 நாட்கள்[3] | ||||||||||||||
சராசரி சுற்றுப்பாதை வேகம் | 9.69 கிமீ/வி[3] | ||||||||||||||
சராசரி பிறழ்வு | 320.346750° | ||||||||||||||
சாய்வு |
|
||||||||||||||
Longitude of ascending node | 113.642811° | ||||||||||||||
Argument of perihelion | 336.013862° | ||||||||||||||
துணைக்கோள்கள் | 62 with formal designations; innumerable additional moonlets.[3] | ||||||||||||||
சிறப்பியல்பு
| |||||||||||||||
சராசரி ஆரம் | 58232±6 km[5][lower-alpha 2] | ||||||||||||||
நிலநடுக்கோட்டு ஆரம் |
|
||||||||||||||
துருவ ஆரம் |
|
||||||||||||||
தட்டையாதல் | 0.09796±0.00018 | ||||||||||||||
புறப் பரப்பு |
|
||||||||||||||
கனஅளவு |
|
||||||||||||||
நிறை |
|
||||||||||||||
அடர்த்தி | 0.687 g/cm3[3][lower-alpha 2] (less than நீர்) |
||||||||||||||
நிலநடுக்கோட்டு ஈர்ப்புமையம் |
|
||||||||||||||
விடுபடு திசைவேகம் | 35.5 km/s[3][lower-alpha 2] | ||||||||||||||
விண்மீன்வழிச் சுற்றுக்காலம் | 10.57 hours[6] (10 hr 34 min) |
||||||||||||||
நிலநடுக்கோட்டுச் சுழற்சித் திசைவேகம் |
|
||||||||||||||
அச்சுவழிச் சாய்வு | 26.73°[3] | ||||||||||||||
வடதுருவ வலப்பக்க ஏற்றம் |
|
||||||||||||||
வடதுருவ இறக்கம் | 83.537°[5] | ||||||||||||||
எதிரொளி திறன் |
|
||||||||||||||
மேற்பரப்பு வெப்பநிலை 1 bar level 0.1 bar |
| ||||||||||||||
தோற்ற ஒளிர்மை | +1.47 to −0.24[7] | ||||||||||||||
கோணவிட்டம் | 14.5″ to 20.1″[3] (excludes rings) |
||||||||||||||
பெயரெச்சங்கள் | Saturnian, Cronian | ||||||||||||||
வளிமண்டலம்[3]
| |||||||||||||||
அளவீட்டு உயரம் | 59.5 km | ||||||||||||||
வளிமண்டல இயைபு | by volume:
|
சனிக்கோள் ஐதரசன் வளிமத்தால் முதன்மையாகவும் ஈலியம் மற்றும் ஒருசில தனிமங்களால் சிறிய அளவிலும் நிரப்பப்பட்டுள்ளது. இதன் உள்ளகம் இரும்பு, நிக்கல் மற்றும் பாறைகளும் (சிலிக்கான், ஆக்சிஜன் சேர்மங்கள்) கொண்ட கருவைச் சுற்றி தடிமனான மாழை நிலையிலான ஐதரசன், ஈலியம் அடுக்குகளும் அதன் மேலாக வளிம அடுக்கும் கொண்டது.[14]
இக்கோளின் வளிமண்டலத்தில் அம்மோனியா படிகங்கள் இருப்பதால் வெளிர் மஞ்சள் சாயை கொண்டுள்ளது. மாழைநில ஐதரசன் அடுக்கில் ஏற்படும் மின்னோட்டத்தால் சனிக்கோளிற்கு காந்தப் புலம் உருவாகின்றது. இந்தக் காந்தப்புலம் புவியினுடையதை விட வலிமை குறைந்து காணப்படுகின்றது; ஆனால் சனிக்கோளின் பெரிய விட்டத்தின் காரணமாக இதன் காந்தத் திருப்புத்திறன் புவியை விட 580 மடங்காக உள்ளது. சனியின் காந்தப்புலத்தின் வலிமை வியாழனின் காந்தப் புலவலிமையில் இருபதில் ஒன்றாக உள்ளது.[15] சனியின் வெளிப்பரப்பு எவ்வித மேடுபள்ளங்களும் இல்லாது உள்ளது. சனியில் காற்றின் வேகம் வியாழனை விடவும் அதிகம், அதாவது 1800 கிமீ/மணி வரையிலும் இருக்கக்கூடும்; ஆனால் நெப்டியூனில் நிலவும் காற்று வேகங்களை விடக் குறைவாகும்.[16]
சனிக்கோளின் சிறப்பான வளையங்கள், பெரும்பான்மையாக பனித்துகள்களாலும் பாறைத்துகள்கள் மற்றும் தூசிகளாலும் ஆனவை. சனியின் நன்கறிந்த நிலவுகள் மொத்தம் 61. இதைத்தவிர, சுமார் 200 நிலவுக்குட்டிகள் (moonlets) சனிக்கு உள்ளன. சனிக்கோளின் மிகப்பெரிய நிலவான டைட்டன் (Titan), புதன் கோளை விடவும் பெரியது. சூரிய மண்டலத்திலேயே மிகப்பெரிய நிலவான வியாழனின் நிலவான கானிமீடுக்கு அடுத்தது இந்த டைட்டன். சனி சூரியனில் இருந்து 1.400.000.000 கிமீ (869,000,000 மைல்) தூரத்தில் உள்ளது. இது சூரியனின் சுற்றுப்பாதையில் ஒருமுறை சுற்றி முடிக்க அல்லது ஒரு சனி ஆண்டு என்பது பூமியின் 29.6 ஆண்டுகள் ஆகும். சனி கிரேக்கப் புராணங்களில் குரோநோசு (KRONOS) என அழைக்கப்பட்டது. உரோமானிய வேளாண்மைக் கடவுளான சாட்டர்னஸ் நினைவாக பெயரிடப்பட்டுள்ளது. எனவே சனி கோளின் சின்னம் அரிவாள் சின்னம் (♄) ஆகும். இந்து தொன்மவியலில் சனிக் கடவுளின் பெயர் இக்கோளிற்கு சூட்டப்பட்டுள்ளது.