எகிப்து
வட ஆப்ரிக்க நாடு / From Wikipedia, the free encyclopedia
எகிப்து வடக்கு ஆப்பிரிக்காவில் உள்ள ஒரு குடியரசு நாடு. கெய்ரோ இந்நாட்டின் தலைநகர் ஆகும். இது உலகின் 15வது அதிக மக்கள்தொகை கொண்ட நாடாகும். மேற்கே லிபியாவையும், தெற்கே சூடானையும், கிழக்கே காசாக் கரை மற்றும் இஸ்ரேலையும் எல்லையாகக் கொண்ட எகிப்தின் பரப்பளவு சுமார் 1,001,450 சதுர கி.மீ. வடக்குக் கரையில் மத்தியதரைக் கடலும் கிழக்குக் கரையில் செங்கடலும் எகிப்தின் எல்லைகளாக உள்ளன. எகிப்தின் சினாய் தீபகற்பம் தென்மேற்கு ஆசியாவில் உள்ளதால், இந்நாடு இருகண்ட நாடுகளில் ஒன்றாகத் திகழ்கிறது. எகிப்தின் ஜீவ நதியாக நைல் நதி பாய்கிறது. நைல் நதிக் கரையிலிருக்கும் விவசாய நிலங்களைத் தவிர பெரும்பாலான நிலங்கள் பாலைவனங்களாகவே உள்ளன. ஆப்பிரிக்காவிலும் மையக் கிழக்கிலும் உள்ள நாடுகளுள் அதிக மக்கள்தொகை கொண்ட நாடுகளுள் எகிப்தும் ஒன்று. 82.2 மில்லியன்[2] மக்களைக் கொண்ட இந்நாட்டின் பெரும்பாலானவர்கள், நைல் நதிக்கரையில் இருக்கும் 40,000 சதுர கிலோமீட்டர் (15,000 சதுர மைல்) பரப்பளவு கொண்ட நிலப்பகுதியிலேயே வாழ்கின்றனர். இப்பகுதிகளிலேயே வேளாண்மை செய்யக்கூடிய நிலங்கள் காணப்படுவதுடன் கெய்ரோ, அலெக்சாந்திரியா, அல்-உக்சுர் போன்ற பெரிய நகரங்களும் அடங்குகின்றன. மிகப் பெரிய சகாராப் பாலைவனப் பகுதிகளில் குறைவான மக்களே வாழ்கின்றனர். எகிப்தில் வாழ்பவர்களுள் ஏறத்தாழ அரைப் பங்கினர் நகர்ப்புறப் பகுதிகளிலேயே வாழ்கின்றனர்.
எகிப்து அரபுக் குடியரசு جمهورية مصر العربية ஜும்ஹூரியாத் மிசர் அல்-ஆரபியா | |
---|---|
நாட்டுப்பண்: بلادي بلادي بلادي (தமிழாக்கம்: பிலாடி, பிலாடி, பிலாடி) "என் தாய்நாடு! என் தாய்நாடு! என் தாய்நாடு!" | |
தலைநகரம் மற்றும் பெரிய நகரம் | கைரோ |
ஆட்சி மொழி(கள்) | அரபு1 |
மக்கள் | எகிப்தியர் |
அரசாங்கம் | இராணுவ ஆட்சி |
அமைப்பு | |
• முதல் அரச வம்சம் | கி.மு. 3150 |
• ஐ.இ. இடமிருந்து விடுதலை | பெப்ரவரி 28 1922 |
• குடியரசு பிரகடனம் | ஜூன் 18 1953 |
பரப்பு | |
• மொத்தம் | 980,869 km2 (378,716 sq mi) (30வது) |
• நீர் (%) | 0.632 |
மக்கள் தொகை | |
• 2007 மதிப்பிடு | 80,335,036 (est.)[1] |
• 1996 கணக்கெடுப்பு | 59,312,914 |
• அடர்த்தி | 74/km2 (191.7/sq mi) (120வது) |
மொ.உ.உ. (கொ.ஆ.ச.) | 2006 மதிப்பீடு |
• மொத்தம் | $329.791 பில்லியன் (29th) |
• தலைவிகிதம் | $4,836 (110வது) |
ஜினி (1999–00) | 34.5 மத்திமம் |
மமேசு (2007) | 0.708 Error: Invalid HDI value · 112வது |
நாணயம் | எகிப்திய பவுண்ட் (EGP) |
நேர வலயம் | ஒ.அ.நே+2 (EET) |
ஒ.அ.நே+3 (EEST) | |
அழைப்புக்குறி | 20 |
இணையக் குறி | .eg |
|
இந்நாட்டுக்கு விடுதலை 1922இல் வழங்கப்பட்டு, 1953இல் குடியரசு நாடாக அறிவிக்கப்பட்டது. பண்டைக் காலத்தில் சிறப்புற்று விளங்கிய எகிப்தின் பழங்காலத்து மன்னர்களால் பல ஆயிரம் ஆண்டுகளுக்கு முன்னர் கட்டப்பட்ட பிரமிடுகள் உலகப்புகழ் பெற்றவை. எகிப்தில் உள்ள நினைவுச் சின்னங்களான கிசா பிரமிடு வளாகம், பெரிய ஸ்பிங்க்ஸ் என்பன பண்டை எகிப்து நாகரிகக் காலத்தைச் சேர்ந்தவை. மெம்பிசு, தீபை, கர்னாக் போன்ற இடங்களில் உள்ள பண்டைய அழிபாடுகளும், லூக்சூருக்கு வெளியே உள்ள மன்னர்களின் சமவெளிப் பகுதிகளும் பெருமளவில் தொல்லியல் ஆய்வாளர்களின் கவனத்தைக் கவர்பவை.
மையக்கிழக்கில் எகிப்தின் பொருளாதாரமே மிகக் கூடிய பல்வகைத்தன்மை கொண்டது. இந்நாட்டில் சுற்றுலாத்துறை, வேளாண்மை, தொழிற்றுறை, சேவைத்துறை என்பன ஏறத்தாழ ஒரேயளவு உற்பத்தி அளவைக் கொண்டவை.