குருவி (வரிசை)
From Wikipedia, the free encyclopedia
குருவி (passerine) என்ற சொல் Passeriformes என்ற வரிசையிலுள்ள எந்த ஒரு பறவையையும் குறிக்கும் சொல்லாகும். உயிர்வாழும் அனைத்து பறவை இனங்களில் பாதிக்கும் மேற்பட்டவை இந்த வரிசையின் கீழ்தான் வருகின்றன.[1] பறவையினத்தின் பிற வரிசைகளிலிருந்து குருவிகளானவை அவற்றின் கால்விரல்கள் அமைப்பின் மூலம் வேறுபடுகின்றன. குருவியின வரிசையின் பறவைகளில் மூன்று விரல்கள் முன்னோக்கியும், ஒரு விரல் பின்னோக்கியும் உள்ளந. இது மரக்கிளைகள் போன்றவற்றை இறுகப்பற்றி உட்காருவதற்குப் பயன்படுகிறது. குருவி வரிசைப் பறவைகள் மரக்கிளைகள் போன்றவற்றைப் பற்றிக்கொண்டு இருந்து, குயிலுபவை (பாடுபவை).
குருவிகள் புதைப்படிவ காலம்:இயோசீன்-தற்காலம், 52.5–0 Ma | |
---|---|
மேல் வலதுபுறமிருந்து கடிகாரச்சுற்றில்: பாலத்தீனிய தேன்சிட்டு (Cinnyris osea), நீல அழகி (Cyanocitta cristata), சிட்டுக்குருவி (Passer domesticus), சாம்பற் சிட்டு (Parus major), முக்காடு காகம் (Corvus cornix), தெற்கு முகமூடி வீவர் (Ploceus velatus) | |
ஊதா நிற முடிசூட்டப்பட்ட தேவதையின் (Malurus coronatus) பாட்டுச் சத்தம் | |
உயிரியல் வகைப்பாடு | |
திணை: | விலங்கு |
தொகுதி: | |
உயிரிக்கிளை: | Psittacopasserae |
வரிசை: | இலின்னேயசு, 1758 |
துணைவரிசைகள் | |
மற்றும் பல | |
உயிரியற் பல்வகைமை | |
ஏறக்குறைய 140 குடும்பங்கள், 6,500 இனங்கள் |
இந்த வரிசையில் 140க்கும் மேற்பட்ட குடும்பங்களும் அவற்றுள் ஏறத்தாழ ஏறத்தாழ 6,500 பறவையினங்களும் உள்ளன.[2] இவ்வாறாக குருவி வரிசை தான் பறவை வரிசைகளிலேயே மிகவும் பெரியதாகும். மேலும் நிலவாழ் முதுகெலும்பி வரிசைகளில் பல்வேறு வகைப்பட்ட உயிரினங்கள் இந்த வரிசையில் தான் உள்ளன. குருவி வரிசையானது மூன்று துணை வரிசைகளாகப் பிரிக்கப்பட்டுள்ளது.[3][4] இவ்வரிசையில் மற்ற பறவைகளின் கூட்டில் முட்டைகளை இடக்கூடிய பல குழுக்கள் உள்ளன.பெரும்பாலான குருவிகள் அனைத்துண்ணிகளாக உள்ளன. அதே நேரத்தில் கீச்சான்கள் ஊனுண்ணிகளாக உள்ளன.