Kolumbus, Ohio
From Wikipedia, the free encyclopedia
Kolumbus, Columbus ( / lʌmbəs/ ; kə-LUM-bəs) waa caasimada iyo magaalo-madaxda gobolka Ohio ee wadanka Maraykanka. Magaaladani waa tan 15aad ee ugu weyn magaalooyinka wadanka Maraykanka,[17] taasi oo leh bulsho dhan 835,957 (tirokoob la sameeyay 2014).[18] Kolumbus waa xuddunta deegaanada "Kolumbus metropolitan" taasi oo isku xidha ilaa toban degmo;[19][20] waxaana ku dhaqan dad tiradoodu gaadhayso 2,370,839 taasi oo ka dhigeysa Kolumbus deegaanka labaad ee ugu dadka badan gobolka Ohio,[20] iyo mida afaraad ee ugu shacabka badan wadanka Maraykanka.[13][21]
- Kani waa maqaal ku saabsan magaalada Kolumbus, Ohio, Maraykanka. Qoraal ku saabsan sahamiyihii reer Yurub fiiri Kristoffer Kolombus
Kolumbus, Ohio | |
---|---|
Caasimada Kolumbus | |
Kor ilaa midig iyo bidix: Farasmagaalka Kolumbus, Barxada Caasimada, Haalka Jaamacada (Ohio State University), Waqooyiga Magaalada, Badhtanyare, xarunta Santa Maria | |
Nickname(s): | |
Meesha kaga taalo Ohio, Maraykanka | |
Wadanka | USA |
Gobol | Ohio |
Degmooyinka | Delaware, Fairfield, Franklin |
Dowlada | |
• Duqa-magaalada | Michael B. Coleman (Xisbiga Dimuqraadiga) |
• Golaha Degmada Kolumbus | Xubnaha[10]
|
Area | 223.11 sq mi (577.85 km2) |
• Land | 217.17 sq mi (562.47 km2) |
• Water | 5.94 sq mi (15.38 km2) |
Joogga | 902 ft (275 m) |
Tirada dadka | |
• Caasimad | 787,033 |
• Estimate (2014)[13] | 835,957 |
• Rank | US: 15aad |
• Cufnaanta dadka | 3,624.0/sq mi (1,399.2/km2) |
• Urban | 1,368,035 (US: 36aad) |
• Metro | 1,967,066 (US: 32aad) |
• CSA | 2,370,839 (US: 25aad) |
Magac kale | Columbusite[14] |
Aag saacadeed | UTC-5 (EST) |
• Xagaa (DST) | UTC-4 (EDT) |
ZIP kodh | Zip codes[15]
|
Furaha | Area code 614 |
FIPS code | 39-18000 |
Astaanta GNIS | 1080996[16] |
Website | City of Columbus |
Kolumbus waa fadhiga dowlada degmada Franklin.[22] Magaalada Kolumbus waxay leedahay dhaqaale aad u sareeya kaasi oo ku tiirsan waxbarashada, bankiyada, dalxiiska, soo saarka cuntada, wershadaha fudud, sameyska dharka, caymiska, teknoolojiyada sida internetka, xayaysiiska iyo iidhehda, fayshanka, soo saarida birta iyo laxaamada, cilmibaadhista caafimaadka, dhakhtarada iyo waxyaabo kale oo badan. Sidoo kale magaaladan waxay saldhig u tahay mahcadka Battelle Memorial oo ah midka ugu weyn dunida ee sameeya iyo soo saara iskudarka kimikada aduunka, xarunta NetJets oo iyadna ah shirkada ugu weyn aduunyada ee samaysa qeybaha iyo xubnaha diyaaradaha dheereeya ee lo yaqaano "Jets"ka. Waxaa intaas dheer, Kolumbus Ohio waa xarunta sare ee shirkadaha waaweyn ee "Fortune500" taasi ooy hoosgalaan Shirkada Caymiska ee Mutual, Amerikan Electric Power, L-Brands, Big Lots, Cardinal Health iyo kuwo kale.[23]
Sidoo kale, Kolumbus Ohio waxay xarun sare u tahay shirkada cuntada degdega ah ee Wendy's, White Castle iyo kuwo kale. Sanadkii 2012ka, waxaa Kolumbus lagu magacaabay ineey ka mid tahay 50-ka magaalo ee ugu wanaagsan wadanka Maraykanka, marka laga hadlayo dhaqaalaha, amaanka, adeega dowlada, shaqooyinka iyo wixii la hal maala.[24] Sidoo kale, sanadkii 2013ka waxaa Kolumbus loo aqoonsaday inay ka mid tahay 10ka magaalo ee ugu ganacsiga fiican wadanka ayadoo la sheegay in qorshaha dowlad degmadaasi taageerto koritaanka iyo hanaqaadka ganacsiga yaryar iyo kan kaleba.[25][26][27][28][29][30].[31]