Stormannsmøtet på Eidsvoll
From Wikipedia, the free encyclopedia
Stormannsmøtet på Eidsvoll (òg kalla Notabelmøtet) 16. februar 1814 vart halde på Eidsvollsbygninga på Eidsvoll verk etter initiativ av prins Kristian Fredrik. Møtet fekk stor historisk betydning på grunn av at det blei vedteke at det skulle kallast inn ei riksforsamling som skulle gje Noreg ei ny konstitusjon.
Av like stor betydning var at regenten Kristian Fredrik denne dagen gjekk med på å søkje kongemakt utfrå prinsippet om folkesuverenitet. Forut for møtet hadde han sett for seg at han skulle krevja trona som følgje av prinsippet om kongsslektas arverett til den norske trona uansett kva folket måtte meine.