Saxicolinae
underfamilie av flugesnapparfamilien / From Wikipedia, the free encyclopedia
Saxicolinae er ein underfamilie på ca. 190 insektetande fugleartar i flugesnapparfamilien som hekkar i Europa, Asia og Afrika, «den gamle verda». Dei fleste nordlege artane er trekkfuglar.
Saxicolinae | |
Buskskvett (Saxicola rubetra) | |
Systematikk | |
Underrekkje: | Virveldyr Vertebrata |
Klasse: | Fuglar Aves |
Orden: | Sporvefuglar Passeriformes |
Underorden: | Passeri |
Parvorden: | Passerida |
Overfamilie: | Muscicapoidea |
Familie: | Flugesnapparfamilien Muscicapidae |
Underfamilie: | Saxicolinae Vigors, 1825 |
Gruppa samlar brorparten av artane som hekkar i Den palearktiske regionen, inkludert svartkvit flugesnappar. I tillegg finn ein ca. 75 artar som hekkefuglar i Den orientalske regionen og ca. 40 artar hekkar i Den afrotropiske regionen. Dei to mest talrike slektene, Ficedula og steinskvettar samlar tilsaman 68 artar.[1] Samla sett er dette er ei ueinsarta gruppe som grovt rekna kan delast inn i to, ei heterogen gruppe over mange slekter i Den orientalske regionen knytt til habitat i skog, gjerne med kraftige farger i blått eller jordbrunt. Den andre hovudgruppa er dei som hekkar i tørre eller høgtliggande habitat.[2]
Saxicolinae er relativt små artar, mange har ei mykje fargerik fjørdrakt og dei har spinkle bein. Songen er godt utvikla hos somme artar, hos andre berre svakt. Nebbet passar til insektetande diett, nett og slankt. Einskilde artar har utvikla fjørbustar ved nebbrota. Hannane til nokre artar - som svartraudstjert - syner utsett modning av fjørdrakta, første året ser dei ut som hoer, jamvel om dei allereie er kjønnsmodne.[treng kjelde]