द्रौपदी मुर्मू
भारताच्या राष्ट्रपती / From Wikipedia, the free encyclopedia
द्रौपदी मुर्मू (जन्म: २० जून, १९५८) या एक भारतीय राजकारणी असून सध्या त्या भारताच्या राष्ट्रपती म्हणून कार्यरत आहेत.[1] त्या भारतीय जनता पक्षाच्या सदस्या आहेत.
जलद तथ्य पंतप्रधान, उपराष्ट्रपती ...
द्रौपदी मुर्मू | |
विद्यमान | |
पदग्रहण २५ जुलै २०२२ | |
पंतप्रधान | नरेंद्र मोदी |
---|---|
उपराष्ट्रपती | व्यंकय्या नायडू |
मागील | रामनाथ कोविंद |
कार्यकाळ १८ मे २०१५ – १२ जुलै २०२१ | |
मागील | सय्यद अहमद |
पुढील | रमेश बायस |
राज्यमंत्री (स्वतंत्र कारभार), ओडिशा शासन | |
कार्यकाळ ६ ऑगस्ट २००२ – १६ मे २००४ | |
कार्यकाळ ६ मार्च २००० – ६ ऑगस्ट २००२ | |
आमदार, ओडिशा विधानसभा | |
कार्यकाळ ५ मार्च २००० – २१ मे २००९ | |
मतदारसंघ | रायरंगपूर |
जन्म | २० जून, १९५८ (1958-06-20) (वय: ६५) बैदापोसी, मयूरभंज जिल्हा, ओडिशा |
राष्ट्रीयत्व | भारतीय |
राजकीय पक्ष | भारतीय जनता पक्ष |
पती | शामचरण मुर्मू |
अपत्ये | ३ |
शिक्षण | कला शाखेतील पदवी |
गुरुकुल | रमादेवी महिला विद्यापीठ, भुवनेश्वर |
बंद करा
२०२२ च्या भारतीय राष्ट्रपती निवडणुकीसाठी त्या भाजपप्रणित राष्ट्रीय लोकशाही आघाडीच्या अधिकृत उमेदवार होत्या. भारताच्या राष्ट्रपतीपदासाठी निवड होणाऱ्या अनुसूचित जमातीच्या (आदिवासी) त्या दुसऱ्या व्यक्ती [2][3] तर पहिल्या आदिवासी व्यक्ती आहेत. स्वातंत्र्योत्तर काळात जन्मलेल्या त्या भारताच्या पहिल्या राष्ट्रपती असून आत्तापर्यंतच्या सर्वांत कमी वयाच्या राष्ट्रपती आहेत.
त्यांनी यापूर्वी २०१५ ते २०२१ या कालावधीत झारखंडच्या नवव्या राज्यपाल म्हणून काम पाहिले होते. त्या मूळ ओडिशा राज्यातील असून पाच वर्षांचा कार्यकाळ पूर्ण करणाऱ्या झारखंडच्या त्या पहिल्या राज्यपाल आहेत.