Uvaly Sibirici
From Wikipedia, the free encyclopedia
Uvaly (vel melius Uvales) Sibirici[1] (Russice Сибирские Увалы) sunt systema collium, elevationum et montium humiliorum per planitiem Sibiricam Occidentaliem extentum ab Obio ad Ieniseam. In districtibus autonomis Iamalo-Nenetico et Chanty-Mansiensi siti sunt. Longitudo systematis circa 900 chm est, altitudo maxima ad 280 m (in Syrkaltotporelsek prope fluvii Saranis fontes).
Uvales Sibirici sunt divortium aquarum inter systemata hydrographica Obii medii et fluminum, quae in Uvalibus oriuntur et septentrionem versus fluunt (i. e. Casimi, Nadymi, Puris et Tasi). Taiga laricum et pinuum et picearum Uvales operit.