Philosophia Americana
From Wikipedia, the free encyclopedia
Philosophia Americana est philosophica Americanorum agitatio vel fructus, intra et extra Civitates Foederatas factus. Internet Encyclopedia of Philosophy dicit philosophiam Americanam, cum "nucleo proprietatum definientium" caret, "nihilominus videri posse Americanam significationem sui communem per historiam civitatis repercutere et formare."[1][2]
Alexis de Tocqueville, auctor et historicus civilis, subtiliorem "Philosophical Method among the Americans" ('ratio philosophica inter Americanos') definitionem in primo paragrapho libri alterius Democracy in America ('Democratia in America') proposuit.[3]
- Puto homines in Civitatibus Foederatis philosophiae studere minus quam in ulla mundi civilizati civitate. . . . Nihilominus, facile est percipere paene omnes Civitatum Foederatarum incolas similiter intellegere et per easdem regulas administrare; hoc est, sine regulis rationis philosophicae definitis, unam tamen habent, omnibus communem. Eludere servitutem rationis et habitus, praecepta familiae, sententias classis, et aliquantum praeiudicatarum opinionum; traditionem agnoscere solum ut modus informationis, et res exstantis accipere solum ut exemplar actionis contrariae, ac melioris; petere causam rerum pro se, et solum in se; ad exitus inclinare sed ad rationem non ligatus, et ad substantiam per formam petere;—tales sunt proprietates principales quas rationem philosophicam Americanorum appellabo. . . . [In] plurimis mentis effectionibus, quisque Americanus exercitationem singuli solum intellegentiae suae petit.[4]
Ionathan Edwards "primum theologum philosophicum Americanum maximi momenti"[5] habetur.[6] Qui, propter homilias impigras, sicut "Sinners in the Hands of an Angry God," quae Magnam Excitationem Primam coepisse putatur, "absolutam Dei maiestatem et pulchritudinem sanctitatis Dei"[7] multitudinibus impressit.[6] Edwards, ut Platonismum Christianum cum epistemologia empirica coniungeret, physica Newtoniana adiuvante, penitus motus est a Georgio Berkeley, ipso empirico, ex quo Edwards momentum deduxit rerum incorporalium pro creatione experientiae humanae.