Fidelis Castro
From Wikipedia, the free encyclopedia
Fidelis Castro, Hispanice plenius Fidel Alejandro Castro Ruz (natus die 13 Augusti 1926[1]; die 25 Novembris anno 2016 mortuus), fuit vir politicus, advocatus, revolutionarius, miles, et dictator Cubanus. Anno 1956 bellum velitis cum copiis Fulgentii Batista(es) praesidis Cubani gessit. Imperio Batista tandem anno 1959 deiecto, Castro primus minister ab hoc anno usque in 1976, deinde praeses ab 1976 ad 2008 rem publicam Cubanam gubernavit. In rebus politicis, se Marxistam Leninistamque et nationalistam Cubanum profitens, primus secretarius Factionis Communisticae Cubanae ab 24 Iunii 1961 ad 19 Aprilis 2011 meruit. Quo duce, Cuba civitas socialistica unius factionis facta est, industria et commercium nationalizatae sunt, et correctiones socialisticae per societatem penitus effectae sunt. Et progressum durabilem protexit et rassismo, apartheid, et imperialismo colonialismoque adversatus est.
Radulphus Castro frater plerumque successorem habebatur iam anno 2006, cum Fidelis cancro intestini graviter aegrotaret. Die 19 Februarii 2008 se magistratu rite abdicavit.