Jorge María Ribero-Meneses
idazle espainiarra / From Wikipedia, the free encyclopedia
Jorge María Rivero San Jose, ezagunagoa Jorge María Ribero-Meneses izen-abizenez[1] (Valladolid, 1945eko maiatzaren 17a) idazlea da. Filologotzat eta historiaurrean aditutzat aurkezten du bere burua, baina komunitate zientifikoan haren teoriek ez dute inolako onarpenik, eta teoria horiek ez ditu hizkuntzalaritzan, historian eta gainerako zientzietan onartuta dauden metodoak erabiliz taxutzen (hau da, zientziaren aldetik, inolako oinarririk gabeko teoriak dira).[2][3][4]
Jorge María Ribero-Meneses | |
---|---|
Bizitza | |
Jaiotza | Valladolid, 1945eko maiatzaren 17a (79 urte) |
Herrialdea | Espainia |
Hezkuntza | |
Hizkuntzak | gaztelania |
Jarduerak | |
Jarduerak | idazlea |
Ribero-Menesesen esanetan, baina, bere teoriek arrakastarik ez badute botere publikoen eta mundu akademikoaren jazarpena nozitzen duelako da, eta «[Espainiako] Estatuak erakunde terrorismoa» egiten du bere aurka.[5] Ribero-Menesesen teoria ezagunenetako batzuk: euskara munduko hizkuntza guztien sorburu dela; gizakiok kastoreengandik gatozela, eta ez tximinoengandik; gaztelania euskaratik datorrela, eta ez latinetik; Atlantida Kantauri itsasoan izan zela; hasierako gizakiak anfibioak zirela; hebrear gentilizioa Ebro ibaiaren izenetik datorrela, eta Ebro ibaiaren ingurua dela juduen sorburua; Europa izena ere Ebro izenetik datorrela; eta abar.
Ribero Meneses bereziki harro ageri da bere hiru «aurkikuntza» hauengatik: gizakiaren sorburuarena, hizkuntzaren sorburuarena eta idazketaren sorburuarena. Berak egin omen dituen hiru aurkikuntza horiek «egile ezaguneko zientzia aurkikuntza handienen» artekoak direla argitaratu du, historian izan diren beste 36 aurkikuntza (inprenta, Amerika, heliozentrismoa, telebista...) biltzen dituen zerrenda batean.[6]