দয়ানন্দ সৰস্বতী
ভাৰতীয় সমাজ সংস্কাৰক তথা আৰ্য সমাজৰ প্ৰতিষ্ঠাতা / From Wikipedia, the free encyclopedia
দয়ানন্দ সৰস্বতী (ইংৰাজী: Dayananda Saraswati; ১২ ফেব্ৰুৱাৰী ১৮২৪ – ৩০ অক্টোবৰ ১৮৮৩) আছিল এগৰাকী ভাৰতীয় দাৰ্শনিক, সামাজিক নেতা আৰু সংস্কাৰমুখী আন্দোলন আৰ্য সমাজৰ প্ৰতিষ্ঠাতা। ১৮৭৬ চনত লোকমান্য বাল গঙ্গাধৰ তিলকৰ নেতৃত্বত হোৱা "ভাৰতীয়ৰ বাবে ভাৰত" শীৰ্ষক আহ্বান জনোৱা তেখেত আছিল প্ৰথম ভাৰতীয়।[3][4] মূৰ্তিপূজা আৰু পৰম্পৰাগত ৰীতি-নীতি পৰিহাৰ কৰি দয়ানন্দ সৰস্বতীয়ে বৈদিক বিচাৰধাৰা পুনৰুত্থান কৰিবলৈ প্ৰয়াস কৰিছিল। ভাৰতৰ দাৰ্শনিক, ৰাষ্ট্ৰপতি সৰ্বপল্লী ৰাধাকৃষ্ণণে শ্ৰী অৰবিন্দৰ দৰে তেখেতকো "ভাৰতৰ এগৰাকী নিৰ্মাতা" আখ্যা দিছিল।[5][6][7]
দয়ানন্দ সৰস্বতী | |
---|---|
ব্যক্তিগত | |
জন্ম | মূল শংকৰ তিৱাৰী[1] ১২ ফেব্ৰুৱাৰী, ১৮২৪ |
মৃত্যু | ৩০ অক্টোবৰ, ১৮৮৩ (৫৯ বছৰ)[2] আজমেৰ, আজমেৰ-মেৰৱাৰা, ব্ৰিটিছ ৰাজ, (বৰ্তমানৰ ৰাজস্থান), ভাৰত |
ধৰ্ম | হিন্দু ধৰ্ম |
ৰাষ্ট্ৰীয়তা | ভাৰতীয় |
প্ৰতিষ্ঠাতা | আৰ্য সমাজ |
দৰ্শন | বৈদিক |
ধৰ্মীয় জীৱনকাল | |
গুৰু | বিৰজানন্দ দানদিসা |
প্ৰভাৱিত কৰে
| |
সাহিত্যিক কৰ্ম | সত্যাৰ্থ প্ৰকাশ (১৮৭৫)
ঋগবেদদিৱসভূমিকা ব্যৱহাৰভানু |
প্ৰতিটো ধৰ্মৰে অনুগামীসকলৰ মাজত তৰ্কাতীতভাৱে অনেক শিক্ষিত লোক আছে। তেওঁলোকে প্ৰচলিত বিশ্বাসৰ পৰা নিজকে পৃথক কৰিব লাগে আৰু সৰ্বজনীন সত্যক আঁকোৱালি ল'ব লাগে। যিবোৰ সত্য সকলো ধৰ্মতে বিদ্যমান আৰু যিবোৰ সত্যৰ সৰ্বজনীন প্ৰয়োগ সম্ভৱ। ধৰ্মৰ মাজত বৈসাদৃশ্য থকা বস্তুবোৰ ত্যাগ কৰিব লাগে আৰু পাৰস্পৰিক সৌহাদ্য বৰ্তাই ৰাখিব লাগিব। পৃথিৱীৰ বাবেই সেইটোৱেই সুবিধাজনক কথা হ'ব।