UMjinjo wezishumi womtapolwazi
isimiso somjinjo womtapolwazi / From Wikipedia, the free encyclopedia
Umjinjo wezishumi womtapolwazi, ovame ukubizwa ngokuthi uhlelo lokujinjwa kwezincwadi, yisimiso somjinjo wasemtapolwazi wezincwadi esivumela ukuba Izincwadi ezintsha zenezelwe kumtapowolwazi endaweni yazo efanele ngokwezihloko.[Note 1] Washicilelwa okokuqala kwelaseMelika ngowe-1876 ngu-Melvil Dewey.[1] Ngokwendabuko wachaziswa epheshaneni lamakhasi angama-44, futhi wandiswa waba imiqulu eminingana futhi wabukezwa izikhathi ezingama-23, isibukezo sokugcina sashicilelwa ngowezi-2011. Uphinde utholakale ngohlelo olufinyeziwe olufanele imitapolwazi emincane. UBambiswano olungenzi nzuzo, i-OCLC olukhonza imitapolwazi, kuyimanje yilona olunakekela loluhlelo futhi lukhipha nezivumelo zoxhakaxholo zokufikelela i-WebDewey, okungumxhantela ophefukiswa ngokuqhubekayo wesijengamazwi.
Umjinjo wenani lezishumi wangenisa isicabango sendawo nesikhomba ezicakathile. Ngaphambili imitapolwazi yayinikeze izincwadi izindawo ethaleni unomphela, ikakhulu ezazihlobene nohlelo lokuzithola hhayi ngesihlokondaba. Izimpawu zomjinjo zisebenzisa amanani amathathu wezigaba eziphezulu, ezinamanani angaphansi kweshumi ukuze andiseke ngokuqhubekayo.