飛蛾
From Wikipedia, the free encyclopedia
飛蛾(粵讀:fei1 ngo4),學名叫異角亞目(Heterocera),係鱗翅目嘅其中一個亞目,係蝴蝶嘅近親[1][2]。同第啲昆蟲一樣,飛蛾屬節肢動物-佢哋身體嘅表面有一節節嘅外骨骼(節肢動物嘅特徵),成蟲嘅身體分做頭、胸同腹三橛(昆蟲嘅特徵);飛蛾冚唪唥都曉飛,兩對翼就生咗喺個胸嘅背脊度;同蝴蝶嘅翼一樣,飛蛾嘅翼上面有鱗,不過飛蛾色水通常冇蝴蝶嘅咁鮮艷。另一樣同蝴蝶唔同嘅係,多數物種嘅飛蛾都係興夜晚出沒嘅,不過都有部份物種係興朝頭早出沒嘅[3]。
More information How to read a taxobox飛蛾, 物種分類 ...
飛蛾 | ||||||||||
---|---|---|---|---|---|---|---|---|---|---|
物種分類 | ||||||||||
| ||||||||||
Close
飛蛾係完全變態嘅昆蟲,多數飛蛾物種嘅生命歷程如下:一隻大咗肚嘅飛蛾乸會喺啲植物左近(啲葉上面或者根隔離)產卵;跟手啲幼蟲(毛蟲)孵咗出嚟之後就會靠食樖植物嘅某啲部份嚟維生,啲幼蟲生到咁上下就會結蛹;當變態嘅過程完咗,個蛹會爆開,隻成蟲(隻飛蛾)就會由個蛹嗰度捐出嚟;等兩對翼乾咗,隻蛾就會要喺好短嘅時間(好多時得嗰一兩日)之內飛去搵伴侶;交配完咗之後,啲飛蛾乸就會產卵;無論公定乸,飛蛾通常喺交配嘅過程完咗之後冇幾耐就會死。佢哋嘅下一代跟住就會由頭噉經歷過呢個由生到死嘅過程[4][5]。
飛蛾內部有豐富嘅多樣性:直至 2000 年代為止,已知嘅飛蛾物種大約有成 160,000 種咁多,可以分做超過 100 個科[6];相比之下,例如蝴蝶就得嗰 18,000 個物種左右-飛蛾物種嘅數量多過蝴蝶物種好多[7]。