陣列
From Wikipedia, the free encyclopedia
陣列(英文:array)喺程式編寫上係一種數據結構,概念上指可以用整數值嘅索引值隨機存取入面嘅嘢嘅串列。
呢篇文 需要熟悉呢方面嘅人幫手寫。 |
狹義上,如果真係要隨機存取,陣列嘅元素(或者代表佢哋嘅某種代碼)要喺記憶體入面順序排列,而且每個元素(或者佢哋嘅代碼)要一樣大細、相同類型(例如 n 個整數或者 n 個浮點數等等),因為咁先可以用簡單嘅計算由索引嘅數值計出任何一件嘢嘅位置喺邊,例如 C 語系嘅陣列就係呢一種。[1][2]
喺實際應用上,喺某一啲嘅程式語言(例如一啲手稿語言),元素嘅資料類型可能唔使一樣,或者喺某啲情況下隨機存取只係貎似隨機存取;呢類陣列可以視為一種抽象資料類型甚至一種物件。
陣列基本上係一種 1D 嘅結構,但係陣列入面嘅元素可以都係陣列。陣列入面放陣列,就得出 2D 嘅陣列;再將呢啲 2D 陣列放入 1D 嘅陣列,就得出 3D 嘅陣列,如此類推,就可以建立任何維度嘅陣列。
1D 嘅陣列概念上類似數學上嘅向量或者矩陣;2D 嘅陣列概念上類似數學上嘅矩陣。
喺大多數嘅程式語言,陣列都係一定有嘅基本資料類型,但係唔係一定;例如喺最基本嘅 Lisp 就只有串列,冇陣列。