普卡
From Wikipedia, the free encyclopedia
普卡(粵拼:pou2 kaa1;英文:Polka;愛爾蘭蓋爾文:Polca;要啲音準確噉反映來源詞,可以變讀做普
普卡樂曲有好多易認嘅特徵:喺音樂特性上,普卡樂曲正路會跟 2/4 拍,興用 oom-pah 嘅伴奏,跟 1 2、1 2、1 2... 噉嘅規律打拍子;除此之外,普卡舞曲仲出嗮名氣氛活潑詼諧,啲人跟普卡跳舞嗰時,通常會係若干對男女,成雙成對噉嚟跳,會跟住音樂做出一吓吓嘅彈跳動作[4][5]。
到咗廿一世紀初,普卡唔淨只係一種樂曲同舞蹈,仲係一種傳統文化:歐美人表演普卡嗰陣,通常會有套特定嘅樂器嚟演奏,當中以手風琴最具代表性,而啲舞蹈員仲好興特登著住民俗服裝嚟跳[4];而且普卡因為俾人覺得氣氛歡樂,所以好多歐美人都鍾意喺婚禮或者嘉年華呢啲喜慶場合播普卡[6]。