廣府人
From Wikipedia, the free encyclopedia
廣府人(粵拼:gwong2 fu2 jan4),亦有廣東人(gwong2 dung1 jan4)呢種叫法,早期移民海外嘅廣東人一般自稱唐人。係指以粵語(又嗌白話、廣東話、廣州話、廣府話、海外華人慣稱唐話)爲母語嘅人群,主要分佈喺中國南部嘅珠江三角洲,學術上嗌廣府民系(gwong2 fu2 man4 hai6),基本算做漢族嘅民系。廣義上嘅廣府人等同於粵語人群,即係包括蜑家、四邑、廣西等,而具體到族群認同,就僅指舊時廣州府住落嘅居民(所以嗌「廣府」),比如四邑因爲啲話好唔同而自成一系、蜑家因爲舊時有陸上人同水上人之分而唔同廣府人撈埋、廣西嘅粵人亦都有自己嘅族群認同等等。