Beukachtign
From Wikipedia, the free encyclopedia
De famielje van de beukachtign (Fagaceae), die oendre mêer de beukn en de êekn bevat, bestoat uut oengevêer 600 sôortn zowêl van altydgroene of van wientrekoale boomn en struukn, die gekenmerkt zyn deur ofwisslnde inklevoedige bloarn mê pluumvormig geschikte nervn, êenslachtige blommn in de vorm van katjes en vruchtn lik beekrachtige neutn. Bloarn van de beukachtign zyn dikkers gelobd en zowêl e bladstêeltje lik steunbladjes zyn in 't algemêene anweezig. De vruchtn ên gin endosperma en ze liggn in e schubbige of steeklige dop die wêl of nie de hêele neute omsluut, en kan bestoan uut êen toe zeevn zoadn. De bestgekende groep van die famielje is de êeke (Quercus), woavan da de vruchte e nie ingeslootn neute is (die geweunlik mor êen zoad bevat) genoamd 'n êekle. De dop van 'n êekle by de mêeste êekn vormt e beekre woarin dat de neute zit.
Beukachtign | ||||||||||
---|---|---|---|---|---|---|---|---|---|---|
Quercus ilex subsp. rotundifolia | ||||||||||
Taxonomische indêlienge | ||||||||||
| ||||||||||
Famielje | ||||||||||
Fagaceae Dumort.[1] | ||||||||||
Verschillnde leedn van de beukachtign ên grôot belang in d' ekonomie. Veele sôortn êeke, kastaje en beuke (geslachtn Quercus, Castanea, en Fagus, ip undre toer) zyn algemêen gebruukt lik oet vo vloern, meubels, en wynvoatn. Kork vo wynflasschn te sluutn en veele andre zaakn wordn gemakt van de schusse van de kork-êeke, Quercus suber. Kastajn zyn de vruchtn van sôortn uut 't geslacht Castanea. Veele sôortn zyn uutsteeknde sierboomn, en verpulverd oet uut 't geslacht beuke is dikkers gebruukt vor e smaake te geevn an biern.