ایشیا
براعظم ایشیاء / From Wikipedia, the free encyclopedia
ایشیا یا آسیا(فارسی، عربی) دنیا کے سات براعظموں میں سے ایک سب سے بڑا اور زیادہ آبادی والا براعظم ہے۔ یہ زمین کے کل رقبے کا 8.6 فیصد، کل بری علاقے کا 29.4 فیصد اور کل آبادی کے 60 فیصد حصے کا حامل ہے۔ یہاں پر دنیا کی نصف سے زیادہ آبادی آباد ہے
رقبہ | 44,579,000 کلومیٹر2 (17,212,000 مربع میل)[1] |
---|---|
آبادی | 4,164,252,000 (اول)[2] |
کثافت آبادی | 87/km2 (225/sq mi) |
لقب آبادی | ایشیائی |
ممالک | 48 اقوام متحدہ اراکین 6 دیگر ریاستیں (فہرست ممالک) |
زیر نگین علاقے | |
غیر تسلیم شدہ علاقے | |
زبانیں | ایشیا کی زبانیں |
منطقۂ وقت | متناسق عالمی وقت+02:00 to متناسق عالمی وقت+12:00 |
جالبین بلند ترین اسمِ ساحہ | Asia. |
بڑے شہر | فہرست ایشیاء کے میٹروپولیٹن علاقہ جات شہر |
ایشیا روایتی طور پر یوریشیا کا حصہ ہے جس کا مغربی حصہ یورپ ہے۔ ایشیا نہر سوئز کے مشرق، کوہ یورال کے مشرق اور کوہ قفقاز،یعنی ہمالیہ قراقرم اور کوہ ہندوکش بحیرہ قزوین اور بحیرہ اسود کے جنوب میں واقع ہے۔
قرون وسطیٰ سے قبل یورپی ایشیا کو براعظم نہیں سمجھتے تھے تاہم قرون وسطیٰ میں یورپ کی نشاۃ ثانیہ کے وقت تین براعظموں کا نظریہ ختم ہو گیا اور ایشیا کو بطور براعظم تسلیم کر لیا گیا۔ افریقہ اور ایشیا کے درمیان سوئز اور بحیرہ قلزم کو سرحد قرار دیا گیا جبکہ یورپ اور ایشیا کے درمیان سرحد درہ دانیال، بحیرہ مرمرہ، باسفورس، بحیرہ احمر، کوہ قفقاز، بحیرہ قزوین، دریائے یورال اور کوہ یورال سے بحیرہ کارہ تک پہنچتی ہے۔
عام طور پر ماہر ارضیات و طبعی جغرافیہ دان ایشیا اور یورپ کو الگ براعظم تصور نہیں کرتے اور ایک ہی عظیم قطعہ زمین کا حصہ قرار دیتے ہیں۔
جغرافیہ میں دو مکتب فکر ہیں ایک تاریخی حوالہ جات کے تحت یورپ اور ایشیا کو الگ براعظم قرار دیتا ہے جبکہ دوسرا یورپ کے لیے براعظم اور ایشیا کے لیے خطے کا لفظ استعمال کرتا ہے۔ علاوہ ازیں یہ تنازع ایشیا بحرالکاہل خطے پر بھی کھڑا ہوتا ہے جہاں موجود جزائر میں سے چند براعظم آسٹریلیا کا حصہ مانے جاتے ہیں جبکہ چند ایشیا میں تسلیم کیے جاتے ہیں اس لیے ایشیا کی حدود کا درست تعین کرنا مشکل ہو جاتا ہے۔