ابن خلدون
مشہور مؤرخ / From Wikipedia, the free encyclopedia
ابن خلدون (پیدائش: 1332ء -وفات: 1406ء) عالم اسلام کے مشہور و معروف مورخ، فقیہ، فلسفی اور سیاستدان تھے۔ ان کا مکمل نام ابوزید عبد الرحمن بن محمد بن محمد بن خلدون ولی الدین التونسی الحضرمی الاشبیلی المالکی تھا۔[5] وہ تیونس میں پیدا ہوئے اور تعلیم سے فراغت کے بعد تیونس کے سلطان ابوعنان کے وزیر مقرر ہوئے، تاہم درباری سازشوں سے تنگ آ کر حاکم غرناطہ کے پاس چلے گئے۔ یہ سر زمین بھی راس نہ آئی تو مصر آ گئے اور جامعہ الازہر میں درس و تدریس پر مامور ہوئے۔ مصر میں انھیں فقہ مالکی کا منصبِ قضا تفویض کیا گیا۔ اسی عہدے پر انھوں نے وفات پائی۔
ولی الدین عبد الرحمن ابن خلدون | |
---|---|
(عربی میں: عبد الرحمٰن بن مُحمَّد بن خلدون الحضرمي) | |
معلومات شخصیت | |
پیدائش | 27 مئی 1332 ء / 732 ھ تیونس تونس شہر [1] |
وفات | 19 مارچ 1406 ء / 808 ھ قاہرہ قاہرہ |
عملی زندگی | |
مادر علمی | جامعہ زیتونہ |
پیشہ | ماہر انسانیات ، مورخ ، منصف ، آپ بیتی نگار ، ماہرِ عمرانیات ، ماہر معاشیات ، فلسفی ، سیاست دان ، مصنف [2]، شاعر [3] |
پیشہ ورانہ زبان | عربی [4] |
شعبۂ عمل | معاشیات ، معاشریات ، فلسفہ ، بشریات ، سیاست دان |
درستی - ترمیم |
ابن خلدون کو تاریخ اور عمرانیات کا بانی تصور کیا جاتا ہے۔ انھوں نے العبر کے نام سے ہسپانوی عربوں کی تاریخ اِرقام کی تھی، جو دو جلدوں میں شائع ہوئی۔ ان کا سب سے بڑا کارنامہ مقدمۃ فی التاریخ ہے، جو مقدمہ ابن خلدون کے نام سے مشہور ہے۔ یہ مقدمہ تاریخ، سیاست، عمرانیات، اقتصادیات اور ادبیات کا گراں مایہ خزانہ ہے۔