Palarong Olimpiko sa Tag-init
From Wikipedia, the free encyclopedia
Ang Palarong Olimpiko sa Tag-init o ang Palaro ng Olimpiyada ay isang pandaigdigang paligsahan sa pampalakasan, na karaniwang ginaganap tuwing apat na taon, at isinaayos ng Pandaigdigang Lupon ng Olimpiko. Iginagawad ang mga sumusunod na medalya sa bawat kaganapan, gintong medalya para sa unang puwesto, pilak para sa ikalawa at tanso para sa ikatlo, isang kaugalian na sinimulan noong 1904. Ang Palarong Olimpiko sa Taglamig ay nilikha rin matapos ang tagumpay ng Palarong Olimpiko sa Tag-init.
Lumawak ang Palaro mula sa paligsahan ng 42 kaganapan na may humigit kumulang sa 250 manlalarong lalaki sa paligsahan pampalakasan ng 300 kaganapan na may humigit sa 10,000 mananaligsa ng parehong kasarian mula sa 205 bansa. Inasahan ng mga tagapagsaayos ng Palarong Olimpiko sa Tag-init 2008 sa Beijing ang paglalahok ng mga 10,500 manlalaro sa mga 302 kaganapan sa programa ng Palaro.[1] Ang Palarong Olimpiko sa Tag-init 2008, kung saan inasahan din mga nagsaayos ang pagdalo ng 10,500 manlalaro, ay nagkaroon ng kabuuan ng 11,099 sa mga 301 kaganapan na inalok.
Ang mga mananaligsa ay nakapasok sa pamamagitan ng Pambansang Lupon ng Olimpiko (NOC) upang kumatawan ng kanilang bansa ng pagkamamamayan. Ang mga pambansang awit at mga watawat ay umaalinsabay ng mga seremonyang pangmedalya, at ang mga talaan na ipinapakita ng bilang ng mga medalya na napanalunan ng bawat bansa ay malawakang ginagamit. Sa pangkalahatan ang mga kinikilalang bansa lamang ay kumakawatan, subali't mga iilang bansa na may pagtatalo sa higpuno ay pinayagang na maging bahagi.
Ang Estados Unidos ay nakapagpunong-abala na ng apat na palarong Olimpiko sa Tag-init, na humigit kaysa sa mga ibang bansa. Ang United Kingdom ay makakapagpunong-abala ng tatlong palarong Olimpiko sa Tag-init (lahat sa Londres) nang bumalik sila sa Britanikong kabisera noong 2012. Nakapagpunong-abala nang dalawang beses ng Olimpikong Tag-init ang Alemanya, Australia, Gresya at Pransiya. Ang mga ibang bansa na nakapagpunong-abala na rin ng Olimpikong Tag-init ay Belhika, Espanya, Hapon, Italya, Canada, Mehiko, Olanda, Pinlandiya, Suwesa, Timog Korea at Unyong Sobyet. Ang Republikang Popular ng Tsina ay nagpunong-abala sa unang pagkakataon ng Olimpikong Tag-init sa Beijing sa taong 2008. Ang mga apat na lungsod ay nagpunong-abala ng dalawang Olimpikong Tag-init: Atenas, Londres, Los Angeles, at Paris. Nakapagpunong-abala ng Estoklomo, Suwesa, ng dalawang Palarong Olimpikong Tag-init, may pinamahalang palaro noong 1912 at kaganapan ng pangangabayo sa Palarong Olimpiko sa Tag-init 1956 - kung saan nakatala sila nang pangkaraniwan bilang pinagsanib na pagpupunong-abala.[2] Ang mga kaganapan sa Olimpikong Tag-init ay nakapagganap din sa Hong Kong at sa Olanda (parehong kinatawan ng kanilang mga NOC), sa mga kaganapan sa pangangabayo sa Palarong Olimpiko sa Tag-init 2008 na ginanap sa Hong Kong at mga karerang paglalayag sa Palarong Olimpiko sa Tag-init 1920 na ginanap sa Olanda.
Ang mga limang bansa - Australia, Pransiya, Gran Britanya, Gresya, at Swesya - ay nakapagkatawan sa lahat ng Palarong Olimpiko sa panahon ng Tag-init. Ang Gresya ay nag-iisa lamang na nakapaglahok sa ilalim ng kanilang sariling watawat sa lahat ng mga Palaro. Ang bansang lamang na nakapanalo nang hindi bababa sa isang medalyang ginto sa bawat Palarong Olimpiko sa Tag-init ay ang United Kingdom, na nagraranggo mula isang gintong medalya noong 1904, 1952 at 1996 sa limampu't-anim na ginto noong 1908.