Miss Universe 2018
From Wikipedia, the free encyclopedia
Ang Miss Universe 2018 ay ang ika-67 edisyon ng Miss Universe pageant, na ginanap sa Impact Arena sa Bangkok, Taylandiya noong 17 Disyembre 2018.[1][2]
Miss Universe 2018 | |
---|---|
Petsa | 17 Disyembre 2018 |
Presenters |
|
Entertainment | Ne-Yo |
Pinagdausan | Impact Arena, Muang Thong Thani, Bangkok, Taylandiya |
Brodkaster | Internasyonal:
|
Lumahok | 94 |
Placements | 20 |
Bagong sali |
|
Hindi sumali |
|
Bumalik |
|
Nanalo | Catriona Gray Pilipinas |
Congeniality | Ornella Gunesekere Sri Lanka |
Pinakamahusay na Pambansang Kasuotan | On-anong Homsombath Laos |
Pagkatapos ng kompetisyon, kinoronahan ni Demi Leigh Nel-Peters ng Timog Aprika si Catriona Gray ng Pilipinas bilang Miss Universe 2018. Ito ang ikaapat na tagumpay ng Pilipinas sa kasaysayan ng kompetisyon. Nagtapos bilang first runner-up si Tamaryn Green ng Timog Aprika, habang nagtapos bilang second runner-up si Sthefany Gutiérrez ng Beneswela.[3][4]
Mga kandidata mula sa siyamnapu't-apat na mga bansa at teritoryo ang lumahok sa kompetisyong ito, ang pinakamarami sa kasaysayan ng Miss Universe matapos lagpasan ang dating rekord na siyamnapu't-dalawang kandidata noong 2017.[5] Pinangunahan nina Steve Harvey at Ashley Graham ang kompetisyon, samantalang sina Carson Kressley at Lu Sierra ang nagsilbing mga expert analyst.[6][7] Nagtanghal si Ne-Yo sa edisyong ito.[8][9]