Ben-Hur (pelikula ng 1959)
From Wikipedia, the free encyclopedia
Ang Ben-Hur ay isang epikong pelikula ng 1959 sa direkyon ni William Wyler, at prinodyus ni Sam Zimbalist para sa Metro-Goldwyn-Mayer. Pinangngunahan ang pelikulang ito nina Charlton Heston (na ginawaran ng Pinakamahusay na Pagganap sa Pangunahing Aktor sa Gawad Oscar o Academy Awards), Stephen Boyd, Haya Harareet, Jack Hawkins, at Hugh Griffith (na ginawaran ng Pinakamahusay na Pagganap sa Pansuportang Aktor sa mismong gawad). Ang pelikulang ito ay hango sa nobelang "Ben-Hur: A Tale of the Christ" (Isang Salaysay ng Kristo) na isinulat ni Gen. Lew Wallace.
Ben-Hur | |
---|---|
Direktor | William Wyler |
Prinodyus | Sam Zimbalist |
Iskrip | Karl Tunberg |
Ibinase sa | Ben-Hur: A Tale of the Christ ni Lew Wallace |
Itinatampok sina | Charlton Heston Jack Hawkins Haya Harareet Stephen Boyd Hugh Griffith |
Sinalaysay ni | Finlay Currie |
Musika | Miklós Rózsa |
Sinematograpiya | Robert L. Surtees |
In-edit ni | John Dunning Ralph E. Winters |
Produksiyon | Metro-Goldwyn-Mayer |
Tagapamahagi | Loew's Inc.[1] |
Inilabas noong |
|
Haba | 222 minuto |
Bansa | Estados Unidos |
Wika | Ingles |
Badyet | $15.2 million |
Kita | $146.9 million (unang labas) |
Ang bersyong ito ay isa rin remake ng pelikula ng nasabing pamagat noong 1925 na pinagbidahan ni Ramon Novarro at sa direksyon ni Fred Niblo. Ang bagong kasunod na bersyon sa pelikulang ito ay nasa filming o shooting at ipapalabas sa taong 2016 sa pakikimahala ng MGM at Paramount Pictures. Ang bagong bersyon ay nasa pamamahala ng mag-asawang prodyuser na sina Mark Burnett at Roma Downey kasunod ang matagumpay na seryeng "The Bible" sa istasyong History at ang spin-off nitong "Son of God".
Ang "Ben-Hur" ay ginawaran ng 11 Gawad Oscar, kabilang ang Pinakamahusay na Pelikula, Pinakamahusay na Direksyon, Pangunahing Aktor, Pansuportang Aktor, at Pinakamahusay na Sinematograpiya[2]. Ang bilang ng mga gawad ay pinantayan ng Titanic (1997) at Lord of the Rings: The Return of the King (kung saan lahat ng nominasyon ay panalo noong 2003). Panalo din ang pelikulang ito ng tatlong gawad na Golden Globe-Pinakamahusay na Pelikula (Drama), Pinakamahusay na Direktor at Pinakamahusay na Pansuportang Aktor (na tinanggap ni Stephen Boyd).
Sa kasalukuyan, kabilang ang pelikulang ito bilang isa sa mga pinakamalaking pelikula na prinodyus, kung saan naging isa sa mga pinakamahal na produksyon noong 1959 sa halagang $15.2 milyon at kumita ng $146.9 milyon sa unang palabas nito. Kilala ang pelikulang ito sa isang eksena ng paligsahan ng mga karwahe (chariots) kung saan magkatunggali sina Ben-Hur at Messala na dating magkaibigan sa kanilang kabataan na naging kaaway dahil sa sitwasyon ng mga Hudyo na sakop ng Imperyong Romano.