సూర్యరశ్మి
From Wikipedia, the free encyclopedia
సూర్యుని నుండి భూమిని చేరే కాంతిని సూర్యరశ్మి (Sunlight) అంటారు. ఇది సూర్యుని నుండి వెలువడే విద్యుదయస్కాంత వికిరణాలలో ఒక భాగం. ప్రత్యేకంగా చెప్పాలంటే పరారుణ కిరణాలు, దృగ్గోచర వర్ణపటం, అతినీలలోహిత కిరణాలు యొక్క సముదాయమని చెప్పవచ్చు.భూమిపై సూర్యుని నుండి వచ్చే సూర్యకాంతి వాతావరణం వల్ల వడపోయబడుతుంది.సూర్యుని నుండి వెలువడే సూర్యుని వికిరణాలు మేఘాల వల్ల మూయబడక పోతే సూర్యకాంతి నేరుగా భూమిని చేరుతుంది. సూర్యకాంతి అనునది ప్రకాశవంతమైన కాంతి, ఉష్ణ వికిరణాల సముదాయం.
ప్రపంచ వాతావరణ సంస్థ ఈ పదాన్ని "sunshine duration" అని వాడుతుంది. అనగా భూమిపై ఒక ప్రదేశంలో సూర్యుని నుండి పొందిన వికిరణాకు కనీసం 120 వాట్లు/సెకండ్ వైశాల్యంలో పొందిన సమయం.[1] సూర్యకాంతిని "సన్ షైన్ రికార్డర్", "పైరనోమీటర్" వంటి పరికరాలతో నమోదు చేయవచ్చు.
సూర్యకాంతి భూమిని చేరటానికి 8.3 నిముషాలు పడుతుంది. ఈ సౌరశక్తి సుమారు 10,000 నుండి 170000 సంవత్సరాల కాలం సూర్యుని అంతర్భాగంలో శక్తిని పొంది ఆ తర్వాత వెలుపలికి వచ్చి కాంతిని ఉద్గారం చేస్తుంది.[2] నేరుగా వచ్చే సూర్యకాంతి యొక్క కాంతి తీవ్రత విలువ సుమారు 93 ల్యూమెన్/వాట్ ఉంటుంది. కాంతి తీవ్రత ఎక్కువగా గల కాంతి ప్రతిదీప్తి సుమారు 100000 లక్స్ లు లేదా ల్యూమెన్ పర్ చదరపు మీటరు ఉంటుంది.