మంచుమనిషి
సా.పూ 3300 ప్రాంతంలో మరణించిన పురుషుని సహజసిద్ధమైన మమ్మీ. / From Wikipedia, the free encyclopedia
సామాన్య శక పూర్వం 3,359 - 3,105 సంవత్సరాల మధ్య నివసించిన పురుషుని మమ్మీ, మంచుమనిషి. ఇది ప్రకృతి సహజంగా తయారైన మమ్మీ. 1991 సెప్టెంబరులో, ఈట్జల్ ఆల్ప్స్ పర్వతాల్లో, ఆస్ట్రియా, ఇటలీల సరిహద్దు వద్ద ఈ మమ్మీని కనుగొన్నారు. ఈట్జల్ ఆల్ప్స్ పర్వతాల్లో లభించింది కాబట్టి ఈ మమ్మీని ఈట్జి అని కూడా పిలుస్తున్నారు. ఈ వ్యక్తి సా.శ.పూ 3,239 - 3,105 సంవత్సరాల మధ్య మరణించి ఉండేందుకు 66 శాతం అవకాశాలున్నాయి. ఇది ఐరోపాకు చెందిన, అత్యంత పురాతన, ప్రకృతి సహజ మమ్మీ. రాగియుగపు యూరపియన్ల గురించి పరిశోధకులకు అంతకుముందు తెలియని సమాచారం ఈ మమ్మీ ద్వారా లభించింది. అతడి దేహాన్ని, వస్తువులనూ ఇటలీ, దక్షిణ టైరోల్ లోని పురావస్తు ప్రదర్శనశాలలో ప్రదర్శనకు ఉంచారు.
ఈట్జి | |
---|---|
జననం | సుమారు 3300 సా.శ.పూ. ఉత్తర ఇటలీలో ఉన్న ప్రస్తుత గ్రామం - ఫెల్డ్థర్స్న్ |
మరణం | (దాదాపు 45 ఏళ్ళ వయసు) ఆస్ట్రియా. ఇటలీ సరిహద్దులో హాస్లాబ్చో వద్ద గల ఈట్జల్ ఆల్ప్స్ పర్వతాల్లో |
మరణ కారణం | భుజంలో అయిన బాణపు దెబ్బ[1] |
ఇతర పేర్లు | మంచుమనిషి ఈట్జి సిమిలువాన్ మనిషి "ఫ్రోజెన్ ఫ్రిట్జ్" హాస్లాబోచ్ మనిషి హాస్లాబోచ్ మమ్మీ ఫ్రోజెన్ మ్యాన్ |
సుపరిచితుడు/ సుపరిచితురాలు | రాగియుగపు ఐరోపా వ్యక్తి యొక్క, అత్యంత పురాతన, ప్రకృతి సహజ మమ్మీ |
ఎత్తు | 1.65 m (5 ft 5 in) |
వెబ్సైటు | South Tyrol Museum of Archaeology |
వివిధ శాస్త్ర విభాగాలకు చెందిన శాస్త్రవేత్తలు దేహంపై అనేక పరీక్షలు చేసి తాము కనుగొన్న విషయాలను విశ్లేషించారు. చనిపోయినపుడు ఆ వ్యక్తి వయసు, అతడి జీవన శైలి, వృత్తి, అతడి ఆహారపు అలవాట్లు, చనిపోయేముందు అతడు ఏమి తిన్నాడు, ఎన్ని గంటల ముందు తిన్నాడు వంటి అనేక అంశాలను వెలుగులోకి తెచ్చారు. అతడి మరణ కారణంపై శాస్త్రవేత్తలకు భిన్నాభిప్రాయలు ఉన్నప్పటికీ, అతడిది హింసాత్మక మరణమనే విషయంపై స్థూలంగా ఏకాభిప్రాయం ఉంది.