மேக்ஸ் பிளாங்க் பதக்கம்
From Wikipedia, the free encyclopedia
மேக்ஸ் பிளாங்க் பதக்கம் (Max Planck medal) என்பது கோட்பாட்டு இயற்பியலில் அசாதாரண சாதனைகளுக்காக, உலகின் மிகப்பெரிய இயற்பியலாளர்களின் அமைப்பான செருமனிய இயற்பியல் சங்கத்தினால் வழங்கப்படும் மிக உயர்ந்த விருது ஆகும். இந்தப் பரிசு 1929 முதல் ஆண்டுதோறும், சில விதிவிலக்குகளுடன், பொதுவாக ஒரு நபருக்கு வழங்கப்படுகிறது. வெற்றியாளருக்கு தங்கப் பதக்கம் மற்றும் கையால் எழுதப்பட்ட காகிதத்தோல் வழங்கப்படுகிறது.[1][2][3]
1943 இல் பெர்லின் வார்ப்பகம் வெடிகுண்டால் தாக்கப்பட்டதால் தங்கப் பதக்கம் தயாரிக்க முடியவில்லை. செருமானிய இயற்பியல் கழகத்தின் இயக்குநர்கள் குழு, பதக்கங்களை மாற்று உலோகத்தில் தயாரிக்கவும், தங்கப் பதக்கங்களை பின்னர் வழங்கவும் முடிவு செய்தது.[4][5]
செருமனிய இயற்பியல் கழகத்தின் மிக உயர்ந்த விருது செய்முக இயற்பியலில் சிறந்த முடிவுகளுக்காக வழங்கப்படும் இசுட்டெர்ன்-கெர்லாச் பதக்கம் ஆகும்.[6]