நினைவகச் சுத்திகரிப்பு
From Wikipedia, the free encyclopedia
நினைவகச் சுத்திகரிப்பு (Garbage Collection) என்பது நினைவக மேலாண்மையின் (Memory Management) முக்கியமானப் பணியாகும். ஜோன் மெக்கார்த்தி என்பவரால் இத்தொழில்நுட்பம் 1959ஆம் ஆண்டு கண்டுபிடிக்கப்பட்டது. நினைவகத்தில் (Memory) ஒரு நிரலுக்காக (Programme) ஒதுக்கப்பட்ட இடத்தில் நிரல் பயன்படுத்தி முடித்த அல்லது நிரலால் எட்டமுடியாத தரவுகளின் (Data) இடத்தைக் கண்டுகொண்டு, அவற்றை நிரலிடத்திருந்து பெற்றுக்கொள்வது நினைவகச் சுத்திகரிப்பு ஆகும். சில நிரலாக்க மொழிகளில் நினைவகச் சுத்திகரிப்பென்பது மொழியின் சிறப்பம்சங்களுள் ஒன்று (உதா: ஜாவா). சி,சி++ போன்ற மொழிகளில் நிரலரே (Programmer) நினைவகத்தைச் சுத்திகரிக்கும் பணியை மேற்கொள்ளவேண்டும். அடா, மாடுலா-3 மற்றும் சி++/சிஎல்ஐ போன்ற மொழிகளில் நினைவகச் சுத்திகரிப்பு அம்சமும் உள்ளது மற்றும் நிரலரே நினைவகத்தைச் சுத்திகரிக்க வழியும் உள்ளது.