ஜாவா (நிரலாக்க மொழி)
பொருள் நோக்கு நிரலாக்க மொழி / From Wikipedia, the free encyclopedia
ஜாவா சன் மைக்ரோசிஸ்டம்ஸ் (Sun Microsystems) என்ற நிறுவனத்தினால் இணையத்தை மனத்தில் கொண்டு சி++ கணினி நிரலாக்க மொழியைப் பின்பற்றி உருவாக்கப் பட்ட பொருள் நோக்கு நிரலாக்க மொழி. சி,சி++ முதலிய மற்ற கணினிமொழிகளின் மூல நிரல் அல்லது மூலங்கள் (Source code) இயங்குதளங்களில் இயங்குவதற்கு ஒவ்வொரு முறை zhயும் தொகுக்க (compile) வேண்டியிருந்தது. இக்குறைபாடுகளைக் களைந்து உருவாக்கப்பட்ட ஜாவா கணினி மொழியில் இயங்குதளத்தில் தொகுத்த உடன் அவை இயங்குதளங்களைச் சாரா எண்ணுன்மி குறிமுறைகளாக (byte code) மாற்றப்படும். இந்த எண்ணுன்மிக் குறிமுறை நிரல்கள் இயங்குதள சார்பின்மையை ஏற்படுத்துகின்றன. இவை எண்ணுன்மிக் குறிமுறை இயக்க நேரத்தில், ஜாவா மெய்நிகர் இயந்திரம் (Java Virtual Machine) என்றழைக்கப்படும், மென்பொருளினால் புரிந்துகொள்ளப்பட்டு அந்தந்த இயங்குதளங்களுக்கு ஏற்றவாறு இயக்கப்படும்.
நிரலாக்கக் கருத்தோட்டம்: | பல நிரலாக்க மொழி: பொதுவான, பொருள் நோக்கு நிரலாக்கம், கட்டாய நிரலாக்கம் |
---|---|
தோன்றிய ஆண்டு: | மே 23, 1995; 29 ஆண்டுகள் முன்னர் (1995-05-23) |
வடிவமைப்பாளர்: | ஜேம்ஸ் கோஸ்லிங் |
வளர்த்தெடுப்பாளர்: | ஆரக்கிள் நிறுவனம் |
இயல்பு முறை: | நிலையான, வலுவான, பாதுகாப்பான |
பிறமொழித்தாக்கங்கள்: | ஒப்செக்டிவ் சி, சி++, Smalltalk, Eiffel, சி ஷார்ப்[1] |
கோப்பு நீட்சி: | .java, .class, .jar |
இம்மொழித்தாக்கங்கள்: | C#, D, J#, Ada 2005 |
விக்கிநூல்களில் ஜாவா | |
இணையதளம்: | oracle |
ஜாவா, ஜாவாஸ்கிரிப்ட் ஆகிய மொழிகள் பெயர் மற்றும் நடையளவில் ஒத்திருந்த போதிலும் அவை வெவ்வேறு காரணங்களுக்காகத் தோற்றுவிக்கப்பட்ட மாறுபட்ட மொழிகளாகும். ஜாவா என்பது மிகவும் பிரபலமான மென்பொருள் உருவாக்கி. தற்காலத்தில் பெரும்பாலான மின் கருவிகள் ஜாவாவை அடிப்படையாகக்கொண்டு செயல்படுகின்றன. ஜாவா சன் மைக்ரோசிஸ்டம் என்ற நிறுவனத்தைச் சேர்ந்த ஜேம்ஸ் கோஸ்லிங் என்பவரால் 1991 ஆம் ஆண்டு கண்டுபிடிக்கப்பட்டது. ஜாவாவின் முதல் பதிப்பு (ஜாவா 1.0) 1995 ஆம் ஆண்டு வெளியிடப்பட்டது. ஜாவா பொருள் சார்ந்த நிரலாக்க மொழியாகும் (object oriented programming language). இதன் பெரும்பாலான அமைப்புகள் C, C++ ஐ ஒத்துக் காணப்படும்.