ஓரியல் கல்லூரி, ஆக்சுபோர்டு
From Wikipedia, the free encyclopedia
ஓரியல் கல்லூரி (Oriel College)[2] இங்கிலாந்தின் ஆக்சுபோர்டு நகரின் ஆக்சுபோர்டு பல்கலைக்கழகத்தின் அங்கமான கல்லூரி ஆகும். ஓரியல் சதுக்கத்தில் அமைந்துள்ள இக்கல்லூரிக்கு ஆக்சுபோர்டில் அரசரால் நிறுவப்பட்ட மிகத் தொன்மையான கல்லூரி என்ற பெருமை உண்டு; முன்பு இப்பெருமை பல்கலைக்கழக கல்லூரிக்கு உள்ளதாக கோரப்பட்டது. இந்த அரசத் தொடர்பால் இக்கல்லூரி அரசரின் கல்லூரி என்றும் அரசரின் கூடம் என்றும் அறியப்படுகின்றது.[3] ஐக்கிய இராச்சியத்தின் ஆட்சியிலுள்ள அரசர் (1952 முதல், ஐக்கிய இராச்சியத்தின் இரண்டாம் எலிசபெத்) இதன் அலுவல்முறை வருநராக உள்ளார்.[4]
ஆக்சுபோர்டு பல்கலைக்கழகத்தின் கல்லூரிகளும் கூடங்களும் ஓரியல் கல்லூரி | |||||||||||
| |||||||||||
கல்லூரி பெயர் | ஆக்சுபோர்டில் புகழ்பெற்ற இரண்டாம் எட்வர்டு, சிலகாலம் இங்கிலாந்து அரசர், நிறுவிய அருளப்பட்ட கன்னி மேரிக்கூடத்தின் மேதகரும் அறிஞர்களும், பொதுவாக ஓரியல் கல்லூரி, | ||||||||||
இலத்தீனப் பெயர் | காலேஜியம் ஓரியலென்சு | ||||||||||
பெயரிடப்பட்டது | தூய கன்னி மரியா (கத்தோலிக்கம்) | ||||||||||
நிறுவப்பட்டது | 1324 | ||||||||||
சகோதரக் கல்லூரிகள் | கிளேர் கல்லூரி, கேம்பிரிட்சு இட்ரினிட்டி கல்லூரி, டப்ளின் | ||||||||||
மேதகர் | மொய்ரா வாலசு | ||||||||||
பட்டப்படிப்பு | 301[1] (2011/2012) | ||||||||||
பட்டமேற்படிப்பு | 158 | ||||||||||
மத்திய ஆக்சுபோர்டில் ஓரியல் கல்லூரி அமைந்துள்ளவிடம் | |||||||||||
வலைமனை | |||||||||||
படகு குழாம் | |||||||||||
பிளேசோன் | சிவப்புப் பின்னணி, தங்க வண்ணத்தில் மூன்று சிங்கங்கள் பொறிக்கப்பட்டது. |
நடுக்காலத்தில் இரண்டாம் எட்வர்டு அரசரின் ஆதரவில் ஆடம் டெ புரோமால் கட்டப்பட்ட துவக்க அடித்தளம் தூய மரியா கூடம் என அறியப்படுகின்றது.[5] முதல் வடிவமைப்பில் ஒரு மேதகரும் பத்து அறிஞர்களும் கொண்டதாக திட்டமிடப்பட்டது; 16ஆவது நூற்றாண்டு வரை சிறியளவில் பட்டமேற்படிப்பை மட்டும் வழங்கி வந்த கல்லூரி பின்னர் பட்டப்படிப்பையும் வழங்கத்தொடங்கியது.[6]இங்கிலாந்தின் உள்நாட்டுப் போரின்போது, அரசரின் ஆக்சுபோர்டு நாடாளுமன்றத்தின் மேதகு உறுப்பினர்களுக்கு ஓரியல் வசதிகளை வழங்கியது.[7]
கல்லூரியின் முதன்மை வளாகத்தில் நான்கு நடுக்கால கூடங்கள் உள்ளன: பெடெல் கூடம், புனித மேரி கூடம், புனித மார்டின் கூடம் மற்றும் டேக்லியின் தங்குமிடம். டேக்லியின் தங்குமிடம் கல்லூரி கையகப்படுத்திய மிகப் பழைய சொத்தாகும். ஆக்சுபோர்டிலுள்ள மிகப் பழைய கூடமும் இதுவே ஆகும்.[8] இக்கல்லூரியில் தற்போது 40 ஆய்வாளர்களும் (ஃபெல்லோ) 300 பட்டப்படிப்பு, 160 பட்ட மேற்படிப்பு மாணவர்களும் படிக்கின்றனர்; ஆண்களும் பெண்களும் கிட்டத்தட்ட சரிசமனாக உள்ளனர்.[6]
ஓரியலின் குறிப்பிடத்தக்க முன்னாள் மாணவர்களில் இருவர்நோபல் பரிசு பெற்றவர்கள்; குறிப்பிடத்தக்க ஆய்வாளர்கள் ஆக்சுபோர்டு இயக்கத்தை முன்னெடுத்தவர்கள்.