அராபிய எண்முறை
From Wikipedia, the free encyclopedia
அரபு எண்கள் (Arabic numerals), 0 முதல் 9 வரையான பத்து இலக்கங்கள்: 0, 1, 2, 3, 4, 5, 6, 7, 8, 9 இவற்றின் அடிப்படையில் அமைந்தவை. இவை இந்து–அரபு எண்கள் என்றும் அழைக்கப்படும். இந்து–அரபு எண் அமைப்பு இன்று உலகம் முழுவதும் பயன்படும் பொதுவானமுறையிலான எண்முறை முறை ஆகும். பூஜ்யம் என்பதனை முக்கிய அமைப்பாகக் கொண்டுள்ளது இதன் சிறப்பாகும்.[1][2][3]
இது பண்டைய இந்தியத்துணைக்கண்டத்தில் இந்திய கணித மேதைகளினால் கி.மு 500 க்கு முன்பே கண்டறியப்பட்டதாகும்.[3] பாக்தாத் நகரில் இருந்த அரபு கணிதவியலாளர்கள் மூலம் மேற்கு உலகிற்கு அறிமுகம் செய்யப்பட்டது. அவற்றின் தற்போதைய வடிவம் வட ஆப்பிரிக்காவில் உருவாக்கப்பட்டது.அரபு கடிதங்கள் , மெக்ரப், மேற்குப் பகுதியில் அரபு உலகம்.[4] போன்ற பகுதிகளில் வளர்க்கப்பட்டது. மேலும் தற்போதைய வடிவம், கிழக்கு அரபு எண்கள் ஆகியவை வட ஆப்பிரிக்காவில் மேன்மை படுத்தப்பட்டது. அது வட ஆப்பிரிக்க நகரமான பிஜையா என்ற ஊரில் இருந்த இத்தாலிய அறிஞரான ஃபிபொனாச்சியால் ஐரோப்பாவில் அறிமுகமானது. பின்னர் ஐரோப்பிய வணிகம், நூல்கள், காலனித்துவத்தின் மூலம் உலகம் முழுவதும் பரவியது.