பிரான்சிஸ் டிரேக்
From Wikipedia, the free encyclopedia
சர் பிரான்சிஸ் டிரேக் (Francis Drake, 1540- ஜனவரி 27, 1596) ஒரு ஆங்கிலேய கப்பல் தலைவர், மாலுமி, அடிமைகளை ஏற்றிச்செல்லும் கப்பலுக்குச் சொந்தக்காரர், இங்கிலாந்து கடற்படை துணைத் தளபதி மற்றும் எலிசபெத் காலத்திய அரசியல்வாதி. இங்கிலாந்தின் முதலாம் எலிசபெத், 1581-இல் டிராக்கை படைத்தளபதியாக நியமித்தார். 1588-இல் ஸ்பானிஷ் ஆர்மடாவிற்கு எதிரான ஆங்கிலேய கப்பற்படையில் இரண்டாம்நிலைத் தளபதியாக இருந்தார். அவர் 1577-1580 இடையே இரண்டாவதாக கப்பலில் உலகை வலம் வந்தவர் ஆவர். 1596-இல் போர்டோ ரிக்கோவின் சான் ஜுவானை தாக்குவதில் தோல்வியுற்ற பிறகு, பேதியால் இறந்து போனார்.
சர் பிரான்சிஸ் டிரேக் | |
---|---|
பக்லண்டு மாளிகையில் பிரான்சிசு டிரேக் 16-ஆம் நூ. ஓவியம் | |
பிறப்பு | அண். 1540 (1540) தவிஸ்தோக், செவன், இங்கிலாந்து |
இறப்பு | சனவரி 28, 1596(1596-01-28) (அகவை 55) பனாமா |
கடற் கொள்ளை தொடர்பில் | |
பட்டப்பெயர் | எல் டிரேக் (எசுப்பானியம்), டிராக்கோ |
வகை | அரச தனியார் கப்பல் வீரர் |
கூட்டு | இங்கிலாந்து இராச்சியம் |
இயங்கிய காலம் | 1563–1596 |
தரநிலை | துணை ஆட்மிரல் |
செயற்பாட்டுக் களம் | கரிபியக் கடல் |
கட்டளைகள் | பெலிக்கன்) பொனவென்ச்சர் ரிவெஞ்ச் |
சண்டைகள்/ போர்கள் | ஆங்கிலோ-எசுப்பானியப் போர், கிரேவ்லைன் சமர் |
கையொப்பம் |
அவருடைய அத்துமீறல்கள் ஆங்கிலேயர்களால் பாராட்டப்பட்டது. ஆனால், ஸ்பானியர்கள் அவரை கடற்கொள்ளையர் என்று அழைத்தனர். ஸ்பானிய மொழியில் அவரது பெயர் எல் டிராக் El Draque எனவும் இலத்தீனில் Franciscus Draco எனவும் அழைக்கப்பட்டார். இரண்டாம் பிலிப் அரசர் இவரது உயிருக்கு 20,000 டுகாட்ஸை[1] விலையாக வைத்தார். இன்றைக்கு அதன் மதிப்பு £4,000,000 (யுஎஸ் $6.5மில்லியன்) ஆகும்.