கொரிந்து வளைகுடா
கிரேக்கத்தில் உள்ள ஒரு வளைகுடா / From Wikipedia, the free encyclopedia
கொரிந்து வளைகுடா அல்லது கொரிந்திய வளைகுடா (Gulf of Corinth அல்லது the Corinthian Gulf கிரேக்கம்: Κορινθιακός Kόλπος , Korinthiakόs Kόlpos, Greek pronunciation: [korinθʝaˈkos ˈkolpos] ) என்பது அயோனியன் கடலின் ஆழமான நீர் உள்வாய் ஆகும். இது பெலோபொன்னீசியாவை மேற்கு கிரேக்கத்திலிருந்து பிரிக்கிறது. இது கிழக்கில் கொரிந்தின் பூசந்தியால் சூழப்பட்டுள்ளது, இதில் கொரிந்து கால்வாயும் அடங்கும். மேலும் இதன் மேற்கில் ரியான் ஜலசந்தியால் இது குறுகிய பட்ராஸ் வளைகுடாவாக ( அயோனியன் கடலின் ஒரு பகுதி) விரிவடைகிறது. ரியோ-ஆண்டிரியோ பாலம் 2004 முதல் இதன் குறுகிய பகுதியைக் கடக்க பயன்படுத்தப்படுகிறது. இந்த வளைகுடாவானது பெரிய நிர்வாகப் பிரிவுகளை (பிராந்திய அலகுகள்) எல்லையாக கொண்டு உள்ளது: வடக்கில் ஏட்டோலியா-அகார்னானியா, போசிஸ், வடகிழக்கில் போயோட்டியா, கிழக்கில் அட்டிகா, தென்கிழக்கு மற்றும் தெற்கில் கொரிந்தியா, தென்மேற்கில் அக்கேயா ஆகிய பிராந்தியங்கள் உள்ளன.
கொரிந்து வளைகுடா | |
---|---|
கொரிந்திய வளைகுடா | |
ஆள்கூறுகள் | 38°12′N 22°30′E |
வகை | வளைகுடா |
பூர்வீக பெயர் | Κορινθιακός Kόλπος (கிரேக்கம்) |
Part of | அயோனியன் கடல் (நடுநிலக் கடல்) |
வடிநில நாடுகள் | கிரேக்கம் |
அதிகபட்ச நீளம் | 130 km (81 mi)[1] |
அதிகபட்ச அகலம் | 32 km (20 mi) |
குறைந்தபட்ச அகலம் | 8.4 km (5.2 mi) |
மேற்பரப்பளவு | 2,400 km2 (930 sq mi) |
அதிகபட்ச ஆழம் | 935 m (3,068 அடி) |
இடைக்காலத்தில், இந்த வளைகுடாவானது லெபாண்டோ வளைகுடா ( நவ்ப்பக்டசின் இத்தாலிய வடிவம்) என்று அறியப்பட்டது.
கிரேக்க வணிகத் துறைமுகமான பேரேயஸ் மேற்கு மத்தியதரைக் கடல் மற்றும் எர்மிசர் துறைமுகங்களுக்கு இடையேயான கப்பல் பாதைகள் இந்த வளைகுடாவில் செல்கின்றன.[2]