கர்னாக் மன்னர்கள் பட்டியல்
விக்கிப்பீடியா:பட்டியலிடல் / From Wikipedia, the free encyclopedia
கர்னாக் மன்னர்கள் பட்டியல் (Karnak king list), பண்டைய எகிப்தை ஆண்ட மன்னர்களின் பெயர்களை கொண்ட பட்டியலை, கர்னாக் கோயிலிலில், கிமு 15-ஆம் நூற்றாண்டில் புது எகிப்து இராச்சியத்தை ஆண்ட 18-ஆம் வம்ச மன்னர் மூன்றாம் தூத்மோஸ் ஆடசிக் காலத்த்தில் (கிமு 1479 முதல் கிமு 1425) கல்வெட்டாக வடித்தார்.
கர்னாக் கல்வெட்டில் பழைய எகிப்து இராச்சியத்தை ஆண்ட சினெபெரு முதல் 61 மன்னர்களின் பெயர்கள் உள்ளது. இருப்பினும் 31 மன்னர்களின் பெயர்கள் மட்டுமே தொல்லியல் வரலாற்று அறிஞர்கள் உறுதிபடுத்தியுள்ளனர். அபிதோஸ் மன்னர்கள் பட்டியல் மற்றும் துரின் மன்னர்கள் பட்டியல்களில் விடுபட்ட எகிப்தின் முதல் இடைநிலைக் காலம் மற்றும் இரண்டாம் இடைநிலைக் காலத்திய மன்னர்கள் பெயர்கள் கர்னாக் மன்னர்கள் பட்டியலில் உள்ளது குறிப்பிடத்தக்கதாகும்.
கர்னாக் மன்னர்களின் பட்டியலை முதன்முதலாக 1825-இல் ஜேம்ஸ் பர்ட்டன் எனும் எகிப்தியவியல் அறிஞர் கண்டுபிடித்தார்.[1]1843-இல் ஜெர்மானிய எகிப்தியவியல் அறிஞரான கார்ல் ரிச்சர்டு லெப்சியஸ் என்பவர் நைல் நதி வடிநிலப் பகுதியில் இருந்த கர்னாக் கோயிலில் இருந்த எகிப்திய மன்னர்கள் பட்டியல் கொண்ட் குறுங்கல்வெட்டுகளை பாதுகாப்பாக பிரான்சு நாட்டிற்கு எடுத்துச் சென்றார்.[2][3]மோசமாக சிதிலமடைந்த கர்னாக் மன்னர்கள் பட்டியலின் குறுகல்வெட்டுகள் தற்போது பிரான்சு நாட்டின் பாரிஸ் நகரத்தின் இலூவா அருங்காட்சியகத்தில் உள்ளது.[4].