Lagu Baikal
From Wikipedia, the free encyclopedia
Su lagu Baikal (in russu: Озеро Байкал; Ózero Baikal) est unu lagu de orìgine tetònica, postu in su chirru meridionale de sa Sibèria, in Rùssia, intre s'oblast de Irkutsk in su nord-ovest e sa Repùblica federale de Burjatija in su sud-est, a curtzu de sa tzitade de Irkutsk. Su nùmene derivat de su tàtaru Bai-Kul, «lagu ricu». Est fintzas connota comente s'«Ogru Biaitu de Sibèria» o sa «Perla de Àsia». Est sa segunda prus reserva manna de abba durche de su mundu.
campidanesu · logudoresu · nugoresu
Lagu Baikal Озеро Байкал | |
---|---|
Foto satellitare | |
Posidura | Àsia, Rùssia, Sibèria |
Mannària | |
Tirada | 31.722 km2 |
Longària | 636 km |
Largària | 79 km |
Profundidade màssima | 1642 m |
Idrografia | |
Lutone idrogràficu | 560.000 km2 |
Imissàrios printzipales | Selenga, Barguzin, Verchnjaja Angarà, Turka, Snežnaja |
Emissàrios printzipales | Angarà |
Custu lagu faghet parte de su sistema fluviale Jenisèi-Angarà-lagu Bajkàl-Selengà-Ider, chi tenet una longària de 5539 km e si cunsìderat su de chimbe rios prus longos de su mundu, a pustis de su Riu de sas Amàtzones, su Nilu, Jangtsè e su Mississippi-Missouri.
Est unu de is lagos cun ìnditu de trullore prus bàscios in su mundu.[1] Contenet a inghìriu su 20% de s'abba durche non cungelada de su mundu e cun 1680 m de profundidade est su lagu prus fungudu de su mundu.[2] A manu de s'oru orientale de su lagu bivet su pòpulu de is buriatos. Est istadu numenadu Patrimòniu de s'Umanidade dae s'UNESCO in su 1996.6