Beatrix Potter
iscritora, illustradora e iscientziada britànnica / From Wikipedia, the free encyclopedia
Beatrix Potter (28 argiolas 1866 – 22 idas 1943) est istada un'illustradora, iscritora e iscentziada britànnica, connota pruschetotu pro is libros suos pro pipios.
campidanesu · logudoresu · nugoresu
Beatrix Potter | |
---|---|
Beatrix Potter in su 1913 | |
Nùmene intreu | Helen Beatrix Potter |
Nàschida | 28 argiolas 1866 West Brompton, Londra, Inghilterra |
Morte | 22 idas 1943 Near Sawrey, Lancashire, Inghilterra |
Natzionalidade | inglesa |
Tzitadinàntzia | britànnica |
Genitores | Mama: Helen Leech Babbu: Rupert William Potter |
Còjube | William Heelis |
Traballu | illustradora, iscritora e iscentziada |
Perìodu de atividade | 1886-1942 |
Òperas printzipales |
|
Firma | |
Contributos de importu | Contos de importu mannu pro sa literadura, mescamente sa de sos pitzinnos, illustratziones sientìficas e istùdios de micologia |
Is òperas suas tzèlebrant sa vida e sa natura in su sartu inglesu a traessu de su contu de aventuras de animales umanizados comente a su famadu Pìricu Cunìlliu (The Tale of Peter Rabbit, 1902).[1] Beatrix Potter est una de is prus iscritoras lèghidas e amadas de sa literadura pro pipios; is 24 contàssias suas sunt istadas traduidas in prus de 35 limbas e ant bèndidu prus de 100 milliones de còpias.[2] Is istòrias sunt istadas adatadas pro su tzìnema, sa mùsica e sa dantza; sa vida sua est istada contada in unu longu-metràgiu tzinematogràficu e televisivu.
S'interessu pro sa natura, pro is animales e pro sa pintura, prus che totu a abbarolu, ant acumpangiadu a Beatrix dae s'infàntzia e ddos agatamus in s'òpera literària. Is libros illustrados suos ant tentu una grandu renèssida, e su balàngiu, in paris cun s'eredade retzida dae una tzia, dd'ant permìtidu de comporare su terrinu de Hill Top Farm in Near Sawrey, unu bidditzolu in su Lake District, e a pustis unu nùmeru de fatorias a bighinu pro preservare su paesàgiu de montigru de cuddu paisu. Beatrix s'est impinnada in s'amparu de s'ambiente naturale de sa propiedade sua, chi at lassadu in eredade a su National Trust; custos terrinos costituint una parte manna de s'àrea naturale chi oe est amparada dae su Lake District National Park.