Система SI
From Wikipedia, the free encyclopedia
Система SI — меджинародна система единок, франц. Sisteme International d'Unites, покуртано SI — система единок физикалных величин, принята на 11. Генералной конференции про мѣры и вагу (1960).[1]
- Перевагы системы
- Меджинародна система единок выпрацована намѣсто зложеного вороха систем единок и окремых несистемных единок, котра ся склала на основѣ метричной системы мѣр. Перевагами системы SI суть ей универзалность (загортать всѣ конарѣ наукы и и техникы) и координованость одводных единок,[1]
- Область поужитя основных единок
- Основны единкы ся поуживають на вытворѣня одводных единок в окремых сферах:[1]
- метер, килограм, секунда — про величины механичной природы
- ампер — про величины електричны и магнетичны
- келвин — про величины тепловы
- кандела — про величины свѣтловы
- мол — про величины в молекуларной физицѣ и хемии
- Одведены единкы
- Одведены единкы можуть быти математично означены через основны з помочов операций дѣлѣня и множѣня, напримѣр, физикална величина швыдкость мѣрять ся в системѣ SI одведенов единков метер за секунду: .
- В том припадѣ одведена единка не мать ани властну назву, але, иншак, суть окремы одведены единкы, котры исторично достали властну назву, часто на честь одповѣдного ученого. Такы единкы суть: бекерел, ватт, вебер, волт, генри, герц, грей, джовль, катал, кулон, лумен, лукс, ньютон, ом, паскал, радиан, сиверт, сименс, стерадиан, тесла, фарад, ступень Целзия.[1]