Самодержавие
From Wikipedia, the free encyclopedia
Самодержавие або царска автокрация — монархична форма влады в России при котрой найвысшу владу мать неограниченый монарх — царь.[1]
Самодержавие установило ся од конця XV. стороча и удержовало ся до фебруара 1917. Титулы российскых самодержцьох были великый князь (1498–1547), царь (1547–1721), император (1721–1917).[2]
Самодержець подля юридичной формулы «Монарх з Божой милости» мав свою владу од Бога, и тыж подля закона быв «найвысшый ооборонитель и стражник догматох пановной вѣры», а в том го подтримовала Православна Церковь. Первый пановник, котрый официално ся титуловав самодержець, быв великый князь Иван III. (1440–1462–1505), котрый пановав въедно з великов княгыньов Софиов Палеологовов, правонаслѣдницьов византского трона, а так поважовав себе за политичного наступника византскых императорох.[3]
Сам термин самодержець калково утвореный з грец. αύτοκράτωρ сам собѣ газда, циже слободный и независимый пановник,[4] што было частьов грекоязычного титула византского императора.[3]