Washington
From Wikipedia, the free encyclopedia
Washington, canosciute pure cumme District of Columbia[1] (D.C.), jè 'a capitale de le Statère Aunìte d'Americhe, cu 'na popolazzione de 601.723 crestiáne (5.582.170 crestiáne jndr'â vanne metropuletane)[2] coincidende c'u destritte federale previste d'a Costituzione de ll'Aunìone.
Washington Destritte federale | |
---|---|
Washington, D.C. District of Columbia | |
Localizzazione | |
State | Statère Aunìte |
Amministrazione | |
Governatore | Vincent C. Gray (D) |
Territorie | |
Coordinate | 38°53′42.4″N 77°02′12″W |
Altitudine | 0−125 m s.l.m. |
Superficie | 177 km² |
Crestiàne | 601 723 (2010) |
Denzetà | 3 399,56 ab./km² |
Otre 'mbormaziune | |
Cod. postale | 20001-20098, 20201-20599 |
Prefisse | 202 |
Fuse orarie | Fuso orario non riconosciuto (man) |
ISO 3166-2 | US-DC |
Nome javetande | Washingtonian |
Cartografije | |
Site istituzionale | |
Washington se iacchije sus 'a coste oriendale de le Statère Aunìte a cirche 50 km da 'u mare, a sud d'ô state d'u Maryland, a nord d'ô state d'a Virginia e a 374 km circa a sud de Nuève York.
'A vanne metropuletane de Washington jèsce da le confine d'u destritte, spannènnose pure sus a 7 condèe d'u Maryland (Anne Arundel, Calvert, Charles, Frederick, Howard, Montgomery e Prince George's), sus a 5 condèe d'a Virginia (Arlington, Fairfax, Loudon, Prince William e Stafford) e sus a 5 cetate autonome d'ô stesse State (Alexandria, Fairfax, Falls Church, Manassas e Manassas Park). 'Na granna vanne de l'aree jè collegate da 'nu servizzie de metropuletane.
Tènene sede a Washington le pregepále istituzione de guverne de le Statère Aunìte (Presidende, Congresse, Corte Supreme), assaje ministere ed ende federale, e alcune organizzazione 'ndernazionale, 'mbrà cui 'a Banghe Mondiale, 'u Funne de le Ternise 'Ndernazionale e l'Organizzazione de le Statère Americane.
Jndr'â origgene, 'a cetata de Washington e 'u destritte de Columbia tenèvane personaletate giurideche scucchiáte, me jndr'ô 1871 'u District of Columbia Organic Act[3] deliberate da 'u Congresse scacchie ccu squasce totte le autoretate ca jèvene vigende apprìme, 'ncluse 'a Cetata de Georgetown e 'a Condèe de Washington, lassanne le 'ndere territorie d'abbasce d'apprìme 'nu uneche guvernatore de nnùmene presidenziale, e da 'u 1874 a 'nu triumvirate comboste da doje polìtece e 'nu 'ngegnere. Da quidde mumènde, 'a Cetata de Washington e 'u Destritte de Columbia sonde devendate 'a stesse enditate.
Jndr'ô 1973 le rechieste pe' 'na cchiù granna democrazie jndr'ô destritte, purtarene a ll'approvazione d'u District of Columbia Home Rule Act[4], 'a legge ca hé squasciate 'u triumvirate e ca hé lassate l'amministrazione cettadine a 'nu sinnache elette da 'u popule, 'u Mayor, e a 'nu Conziglie comunale, 'u Concil of the District. 'U destritte, ca tène 3 vote jndr'ô college de le Granne elettore d'u Presidende de ll'Aunìone, non ge prevede jndr'â proprije legislazione 'a pene de muèrte.