G.K. Chesterton
From Wikipedia, the free encyclopedia
I Gilbert Keith Chesterton (29 ya ing Mayo 1874– 14 ya ing Junio 1936) métung yang Ingles a talasúlat,[1] filosofo, apologistang Cristiano, ampóng critico king paniúlat ampóng kalalangan.
Píkudtá néng Chesterton ing katsang pari ampong detective, i Father Brown,[2] at sínúlat ya tungkul king apologetica. Agyáng déng áliwang é-mámáyun karéla, kikilalánan dé ing malépáran a síkanan da réng óbrá na, antimó ing Orthodoxy ampó ing The Everlasting Man.[3][4] Maralas néng áusang Cristianong ortodoxo ing saríli na, at king pángalábas ning panaun, ing Catolicismo ing kinilála nang tátalan king kábiliang ini, angga king minális ya king Iglesia Catolica manibat king High Church Anglicanism. Lálón de réng talasúlat talangbyé antimong katukí da réng talasúlat antimó i Matthew Arnold, Thomas Carlyle, John Henry Newman ampó i John Ruskin.[5]