Republica Populara de China
From Wikipedia, the free encyclopedia
La Republica Populara de China, generalament dicha China e de còps China Populara, es un país d'Asia Orientala enviroutat per Russia, Mongolia, la Corèa dau Nòrd, Vietnam, Laos, Birmania, Índia, Botan, Nepal, Paquistan, Afganistan, Tatgiquistan, Quirguizstan e Cazacstan. A tanben de frontieras maritimas ambé Japon, Corèa dau Sud e Taiwan. Es lo tresen país pus estendut amb una superficia de 9 596 961 km²[1] e lo país pus grand situat totalament sus lo continent asiatic. China es tanben lo país pus poblat de la planeta amb una populacion egala a 1,3 miliards d'abitants. Sa capitala es Pequin.
Republica Populara de China | |
中华人民共和国 (zh) | |
Administracion | |
---|---|
Capitala | Pequin 39° 55′ 00″ N, 116° 23′ 00″ E |
Forma de l'Estat | Republica |
Xi Jinping | |
Lengas oficialas | chinés |
• Lenga reconogudas | mongòl tibetan oigor e nombrosas outras |
Geografia | |
Vila principala | Shanghai |
Superfícia | Classat 4en |
• Totala | 9 596 961 km² |
• Aiga (%) | 0,28 % |
Punt culminant | Mont Everest |
Demografia | |
Populacion | Classat 1en |
• Totala | 1357380000 ab. (2013) |
• Densitat | 145 ab./km² |
Gentilici | chinés, chinesa |
Autras informacions | |
Indicatiu telefonic | 86 |
ISO 3166 | CN |
Fus orari | +8 |
Domeni internet | .cn |
La Republica Populara de China fuguèt solament proclamada lo 1èr d'octòbre de 1949 après la victòria comunista durant la Guèrra Civila Chinesa. Pasmens, la China Populara es l'estat successor de la Republica de China, de l'Empèri Chinés, estat entre lei pus ancians de l'Istòria umana, e de la civilizacion chinesa apareguda a la fin dau milleni IV avC.