Arcata
From Wikipedia, the free encyclopedia
Arcata (Goudi’ni e wiyot[1]; o Oket'oh en yurok)[2]; Arcata /ɑːrˈkeɪ.tə/; en anglés american[3]) es una vila adjacenta a la baia d'Arcata, partida nòrd de la baia de Humboldt al comtat de Humboldt, Califòrnia, Estats Units. Pendent lo recensament de 2020, la populacion d'Arcata èra de 18 857 abitants. Arcata foguèt colonizada en 1850 jol nom d'Union, establida oficialament en 1858, e renomenada Arcata en 1860. Se situa a 450 km al nòrd de San Francisco (per la Rota 101), e abriga l'Universitat Estatala Politecnica de Califòrnia a Humboldt ("Cal Poly Humboldt"). Arcata es tanben l'emplaçament de l'Ofici de Camp d'Arcata del Burèu de Gestion del Territòri, qu'es responsable de l'administracion de las ressorsas naturalas, de las tèrras e dels programas minerals, coma lo bòsc Headwaters, sus aperaquí 810 km² de tèrras publicas al Nòrd-oèst de Califòrnia.