Verdsmeisterskapen i sjakk 2010
From Wikipedia, the free encyclopedia
Verdsmeisterskapen i sjakk 2010 var ein tvikamp mellom verdsmeisteren Viswanathan Anand og utfordraren Veselin Topalov. Tvekampen vart arrangert i Sofia, Bulgaria frå 24. april til 11. mai 2010, med eit premiefond på 2 million Euro, av dette 60 % til vinnaren.[3] Anand vann kampen 6½–5½ og var dermed framleis verdsmeister.
IND Viswanathan Anand (IND) | BUL Veselin Topalov (BUL) |
Meister | Utfordrar |
Vinnar av VM i sjakk 2008 | Vinnar av Utfordrarkampen 2009 |
54 år | 49 år |
2789 FIDE Rating[1] | 2812 FIDE Rating[2] |
FIDE rangering: 4 | FIDE rangering: 2 |
Tvikampen var sett til 12 ordinære parti,[4] med omspel viss det vart uavgjort 6-6 som hurtigsjakk og lynsjakk. VM-kampen hadde same lengde og reglar som VM i sjakk 2006 og VM i sjakk 2008.
Starten av VM-kampen vart utsett ein dag, då Anand vart ståande oskefast i Frankfurt den 16. april, på grunn av vulkanoska frå vulkanutbrotet frå Eyjafjallajökull som stogga mykje av flytrafikken i Europa. Anand bad om ei utsetting på tre dagar, noko som vart avslått av organisatorane den 19. april. Anand kom fram til Sofia den 20. april, etter å ha reist 40 timar på landevegen.[5] Det første partiet vart av denne grunnen utsett ein dag.[6]