Ngawang Namgyal
From Wikipedia, the free encyclopedia
Ngawang Namgyal (1594–1651) var ein tibetansk lama og er rekna som grunnleggjaren av Bhutan. Han blei seinare gjeve æresnemninga zhabdrung rinpoche, 'som ein underkastar seg for føtene av'.
Kjappe fakta Fødd, Død ...
Ngawang Namgyal | |||
| |||
Fødd | 1594 | ||
---|---|---|---|
Død | 1651 | ||
Dødsstad | Punakha | ||
Far | Drukpa Yab Chen Tenpé Nyima | ||
Barn | Druk Gyalsé Jampal Dorjé |
Close
Han sameinte Bhutan til eit rike på 1630-talet, og skapte ein eigen bhutansk kulturell identitet som skilde seg frå den tibetanske, som han stamma frå. Han innførte òg den tvidelte statsskikken med ein druk desi, som stod for den sivile administrasjonen av landet, og ein je khenpo som religiøst overhovud.[1][2]
For å halda Bhutan saman blei dødsfallet hans halde hemmeleg i 54 år, og først avslørt i 1705.[2] Seks etterfølgjarar i rolla som shabdrung, frå 1724 til 1931, er rekna som inkarnasjonane hans.[3]