भौतिक शास्त्र
From Wikipedia, the free encyclopedia
भौतिका शास्त्र छगू प्राकृतिक विज्ञान ख गुकिलि छुं नं वस्तु[1] व उकिया स्पेस व ईलय् मोसन, व थ्व नाप स्वापू दूगु उर्जा व बल यात सीकेत स्वइ। [2] अझ वृहद कथं धायेगु खःसा थ्व विज्ञान ब्रह्माण्ड गथे सनाच्वंगु दु धका स्वयेत याइगु प्रकृतिया साधारण एनालाइसिस ख।[3][4][5] भौतिकशास्त्र छगू आधारभूत प्राकृतिक विज्ञान ख। थ्व विज्ञान प्रकृतिया सिद्धान्त सीकिगु ज्या नाप स्वापू दूगु विज्ञान ख। भौतिकशास्त्रं प्रकृतिया आधारभूत घटक (दसु पदार्थ, उर्जा, अन्तरिक्ष, व ई) व इमिगु आधारभूत अन्तरक्रियाया विश्लेषण याइ। नापं, थ्व विषयय् थन्यागु घटकतेगु ज्ञान कायेगु पद्धतिया विश्लेषण नं जुइ।
भौतिक शास्त्र धाःगु प्रकृतिया व्यवस्थित, आनुभविक सीकेज्या व थन्यागु सीकेज्यां लुयावःगु ज्ञान निता हे ख। भौतिक शास्त्रीया दकलय् महत्त्वपूर्ण ज्या धाःगु प्राकृतिक हलिंइ दयाच्वंगु प्यातर्नत (patterns) लुइकिगु व अन्यागु प्यातर्नतेगु आधारय् हलिं संकिगु आधारभूत नियम लुइकिगु ख।