Mein Kampf
From Wikipedia, the free encyclopedia
Mein Kampf (an mirandés Mie Lhuita) ye l títalo de l lhibro de dous belumes de outorie de Adolf Hitler, ne l qual el spressou sues eideias anti-semíticas, nacionalistas anton adotadas pul partido nazista. L purmeiro belume fui scrito na prison i eiditado an 1925, l segundo fui scrito por Hitler fura de la prison i eiditado ne l anho seguinte. Mein Kampf tornou-se un guia eideológico i de açon pa ls nazistas i tamien atualmente ls neonazistas, sendo chamado de "Bíblia Nazista". Ye amportante ressaltar que las eideias perpuostas an Mein Kampf nun surgiran cun Hitler, oureginórun-se an teories i argumientos anton correntes na Ouropa. Na Almanha nazista era ua eisigéncia nó-oufecial tenr l lhibro, mas, debido al sou tamanho, muitos almanes na rialidade, nun l lhírun. Para se casar ls noibos percisában dun eisamplar de l lhibro, todos ls studantes l recebien na sue formatura an todos ls coleijos.[1]
Ye amportante notar que la flexiblidade conotatiba i cuntestual de la lhéngua almana de la palabra "Kampf", que traç dibersas possiblidades de traduçones de l títalo pa l pertués. La palabra tamien puode ser traduzida cumo "lhuita", "cumbate", ó até mesmo cumo "guerra"' l que ye eibidenciado por bários eisemplos cumo ls nomes almanes de bários tanques ("Panzerkampfwagen", "Beiclo de guerra blindado") ó por númaros de bumbardeiros ("Sturzkampfflugzeug", "Abion bumbardeiro de guerra"). Muitos inda áchan "Mie Lhuita" la traduçon correta, mas, de acordo cul testo, Hitler çcribe las bárias tribulaçones que el i sou mobimiento spurmentórun durante sous purmeiros anhos. Precedentes para essa traduçon puoden ser ancontrados an títalos de outras obras lhiterárias de la época cumo "Dar Kampf ums Recht" (La lhuita pula Justícia), de Rudolf bon Ihering.