ലീപ് സെക്കന്റ്
From Wikipedia, the free encyclopedia
ഭൂമി സ്വന്തം അച്യുതണ്ടിൽ ഒരു തവണ കറങ്ങുവാൻ (ഭ്രമണം) 24 മണിക്കൂറിനേക്കാൾ ഒരല്പം സമയം(സെക്കന്റിന്റെ 1 /2000 അംശം) കൂടുതൽ എടുക്കുന്നുണ്ട്.ഭ്രമണ വേഗതയിലുണ്ടാകുന്ന ഒരു ചെറിയ കുറവാണ് ഇതിനുകാരണം.ഇത്തരത്തിലുള്ള നേരിയ വ്യത്യാസങ്ങൾ കൂടിച്ചേർന്ന് ഒരു സെക്കന്റ് പൂർത്തിയാകുമ്പോൾ അഥവാ ഭൂമിക്ക് ഒരു ഭ്രമണം പൂർത്തിയാക്കുവാൻ 24 മണിക്കൂറിനേക്കാൾ ഒരു സെക്കന്റ് സമയം കൂടുതൽ എടുക്കുന്നുവെന്ന് സങ്കൽപ്പിച്ചാൽ ആ അധിക സെക്കന്റിനെ ലീപ് സെക്കന്റ്(Leap Second) അല്ലെങ്കിൽ അധിക നിമിഷം എന്നുപറയുന്നു.[1][2][3].ചില വർഷങ്ങളിൽ ജൂൺ 30-നോ ഡിസംബർ 31-നോ അർദ്ധരാത്രിയിൽ ഈ അധിക സെക്കന്റിനെ കൂട്ടിച്ചേർക്കാറുണ്ട്.(അധിവർഷം വരുമ്പോൾ ഫെബ്രുവരിയിൽ 29-ആം ദിവസം ചേർക്കുന്നതു പോലെ).ഭൂമിയുടെ ഭ്രമണത്തിനെടുക്കുന്ന യഥാർത്ഥ സമയത്തോടൊപ്പം പ്രവർത്തിക്കുന്നതിനായി അറ്റോമിക് ക്ലോക്കുകളിൽ ഒരു സെക്കന്റ് അധികമായി ചേർക്കുകയാണു ചെയ്യുന്നത്.
അന്താരാഷ്ട്രസമയക്രമം അനുസരിച്ച് സാധാരണ ഒരു ദിവസം എന്നത് 86,400 സെക്കന്റാണ്.എന്നാൽ ലീപ് സെക്കന്റ് ചേർക്കുന്ന ദിവസം 86,401 സെക്കന്റുകളുണ്ടാകും.[1] 1972-ലാണ് ആദ്യമായി ലീപ് സെക്കന്റ് ചേർത്തത്.[1] ഏറ്റവുമൊടുവിൽ 2016 ഡിസംബർ 30-നു ചേർത്തത് 27-ആമത്തെ ലീപ് സെക്കന്റായിരുന്നു [1].പാരീസിലെ ഇന്റർനാഷണൽ എർത്ത് റൊട്ടേഷൻ എന്ന സ്ഥാപനത്തിനാണ് ലീപ് സെക്കന്റ് ചേർക്കുന്നതിനുള്ള ചുമതലയുള്ളത്.[1] ലീപ് സെക്കന്റ് ചേർക്കുന്നത് കമ്പ്യൂട്ടറുകളുടെയും ഇന്റർനെറ്റിനെയും പ്രതികൂലമായി ബാധിക്കാറുണ്ട്. 2012-ൽ അധിക നിമിഷം ചേർത്തത് പല ഇന്റർനെറ്റ് സേവനങ്ങളെയും തകരാറിലാക്കിയിരുന്നു.[1][4]