മഡോണ (പെയ്ന്റിംഗ്)
From Wikipedia, the free encyclopedia
നോർവേക്കാരനായ എക്സ്പ്രഷണിസ്റ്റ് ചിത്രകാരനായ എഡ്വാഡ് മുഞ്ച് വരച്ച അർദ്ധനഗ്നയായ സ്ത്രീരൂപങ്ങളെ പൊതുവേ വിളിക്കുന്ന പേരാണ് മഡോണ (Madonna). 1892 മുതൽ 1895 വരെ കാൻവാസിൽ എണ്ണകൊണ്ട് അദ്ദേഹം ഇതിന്റെ നിരവധി വകഭേദങ്ങൾ വരച്ചിരുന്നു. അദ്ദേഹം ഇതിന്റെ പ്രിന്റും ഉണ്ടാക്കിയിട്ടുണ്ട്.[1]
ഓസ്ലോയിലെ മുഞ്ച് മ്യൂസിയത്തിൽ നിന്നും 2004 -ൽ മോഷണം പോയ ചിത്രം രണ്ടുവർഷത്തിനുശേഷം തിരികെ ലഭിച്ചിരുന്നു. ഒരെണ്ണം നാഷണൽ ഗാലറി ഓഫ് നോർവേയുടെയും മറ്റൊന്ന് കുൻസ്തല്ലേ ഹംബർഗിന്റെയും ഉടമസ്ഥതയിലാണ്. വ്വേറൊന്ന് ബിസിനസുകാരനായ് നെൽസൺ ബ്ലിറ്റ്സ് 1999 -ൽ വാങ്ങി.
ഈ രചനയുടെ ലിതോഗ്രാഫ് വേർഷന്റെ ചുറ്റുമുള്ള അലങ്കാരങ്ങളിൽ ചലിക്കുന്നരീതിയിലുള്ള പുംബീജങ്ങളും, താഴെമൂലയിൽ അണ്ഡാശയത്തിന്റെ രൂപത്തിലുള്ള ഒരുരൂപവും കാണാം. 1893 -ലെ ഒരു ചിത്രത്തിന്റെ ഫ്രെയിമിൽ ഇതുപോലെതന്നെയൊരു അരിക് ഉണ്ടായിരുന്നെങ്കിലും പിന്നീട് അതുമാറ്റുകയും നഷ്ടപ്പെടുകയുംചെയ്തു.[1] പ്രിന്റ് വേർഷനുകളിലും നിരവധി എണ്ണം ഉണ്ട്.